قازاقستاندا 2025 جىلى اۆتوجولداردى جوندەۋ جانە سالۋ بويىنشا رەكوردتىق كورسەتكىش ورناتىلعان، دەپ حابارلايدى Dalanews.kz.
2025 جىلى قازاقستاندا رەكوردتىق 13 مىڭ شاقىرىم اۆتوموبيل جولدارى قۇرىلىس جانە جوندەۋ جۇمىستارىمەن قامتىلدى. جول جەلىسىن اۋقىمدى جاڭارتۋ ەلىمىزدىڭ كولىك ينفراقۇرىلىمىن دامىتۋدىڭ نەگىزگى باعىتتارىنىڭ بىرىنە اينالدى.
ناتيجەسىندە رەسپۋبليكالىق جولداردىڭ 94%-ى تەحنيكالىق ءنورماتيۆتى جاعدايدا.
ىشكى شەكاراداعى وتكىزۋ پۋنكتتەرىن مودەرنيزاسيالاۋ جۇمىستارى جۇرگىزىلۋدە. 2027 جىلدىڭ سوڭىنا دەيىن 37 وتكىزۋ پۋنكتىن اياقتاۋ جوسپارلانۋدا.
جول سالاسىن سيفرلاندىرۋعا ەرەكشە نازاردا. مەملەكەت باسشىسىنىڭ تاپسىرماسى بويىنشا e-Joldar شەڭبەرىندە جولداردىڭ سيفرلىق پاسپورتتارى قالىپتاستىرىلۋدا، ولار جولداردىڭ تەحنيكالىق جاي-كۇيىن، قوزعالىس قارقىندىلىعىن جانە پايدالانۋ پارامەترلەرىن ورتالىقتاندىرىلعان تۇردە ەسەپكە الۋدى قامتاماسىز ەتەدى.
جىل سايىن جاساندى ينتەللەكت تەحنولوگيالارىن قولدانا وتىرىپ جول دياگنوستيكاسى جۇرگىزىلەدى.
جول توسەمىن ساقتاۋ ءۇشىن 220 بىرلىككە دەيىن اۆتوماتتاندىرىلعان ولشەۋ ستانسيالارىن ورناتۋ جالعاسۋدا. قازىرگى تاڭدا ونىڭ 71 بىرلىگى ىسكە قوسىلعان.
