Vitse-premer Serik Jumanǵarin depýtattardyń saýalyna bergen jaýabynda pedagog kadrlardyń sapasyn arttyrý úshin qolǵa alynǵan sharalar týraly baiandady, dep habarlaidy Dalanews.kz.
Onyń aitýynsha, Memleket basshysynyń tapsyrmasyna sáikes, joǵary bilim sapasyn jaqsartyp, ony halyqaralyq bilim keńistigimen úilestirý maqsatynda jańa qarjylandyrý modeli ázirlenip jatyr.
Bul model birneshe negizgi baǵytty qamtidy:
- UBT-nyń shekti balyn kóterý;
- Sheteldik úzdik ýniversitetterdi tartý;
- Bilim granttaryn saralap berý;
- Ulttyq reiting júiesin engizý;
- Memlekettik bilim berý tapsyrysyn oqý sapasyna qarai bólý.
Atalǵan ózgeristerdi júzege asyrý úshin qajetti zańnamalyq túzetýler 2024 jyldyń 30 jeltoqsanynda Májilis qaraýyna usynylǵan.
Sonymen qatar Jumanǵarinniń aitýynsha, Ǵylym jáne joǵary bilim ministrligine Oqý-aǵartý ministrligi jáne Májilis depýtattarymen birlesip birneshe máseleni pysyqtaý tapsyrylǵan. Atap aitqanda:
- Biryńǵai tómengi shekti baldy belgileý;
- Sheteldik joǵary oqý oryndarynan aýysyp kelý jáne qabyldaý tártibi;
- Pedagogikalyq mamandyqtarǵa túsetinder úshin qosymsha emtihan engizý máseleleri qaralýy tiis.
Bul bastamalar kadrlarǵa degen suranysty durys boljaý, memlekettik tapsyrysty josparlaý, ony tiimdi bólý jáne túlekterdi jumyspen qamtý júiesine sai júrgizilýi kerek ekeni de atap ótilgen.
