Ishki saýdany damytý sharalaryn iske asyrý aiasynda saýda salasyndaǵy 400-den astam kásipker memlekettik qoldaý aldy. Qazaqstan Respýblikasynyń Saýda jáne integratsiia ministrligi saýda infraqurylymyn jańǵyrtý, shaǵyn jáne orta biznestiń básekege qabilettiligin arttyrý úshin qolaily jaǵdai jasaý baǵytynda júieli jumys júrgizýde,- dep habarlaidy Dalanews.kz
Biylǵy jyldyń basynan beri sýbsidiialaý aiasynda jalpy kredit somasy 57,5 mlrd teńgeni quraityn 418 jobaǵa qol qoiyldy. Tólengen sýbsidiialardyń jalpy somasy 2 788 mln teńgeni qurady. Sonymen qatar, kepildendirý quraly boiynsha kredit somasy 8 mlrd teńgeni quraityn 103 kepildik berilip, memleket tarapynan kepildikterdiń kólemi 3,6 mlrd teńgeni qurady.
Aimaqtardaǵy saýda infraqurylymyn damytýǵa erekshe kóńil bólinýde. Shyǵys Qazaqstan oblysynda qazirgiýaqytta memlekettik qoldaý aiasynda ishki saýda salasynda shamamen 7 mlrd teńge bolatyn 21 joba júzege asyrylýda. Bazarlardy jańǵyrtýdyń Jol kartasy aiasynda 2025 jyly Óskemen qalasynda «Zaria», «Zarechnyi» jáne «Ortalyq» atty úsh bazardy jańartý aiaqtalady. Onyń ishinde «Zaria» men «Zarechnyi» bazarlary Saýda jáne integratsiia ministrliginen memlekettik qoldaý aldy.
Aimaqqa jumys sapary barysynda Saýda komiteti tóraǵasynyń orynbasary Ernur Jáýtikbaev jobalardyń júzege asyrylý barysymen tanysyp, saýda nysandaryn aralap, saýda alańdaryn jańǵyrtýdaǵy oń dinamikasyn atap ótti.
2002 jyly paidalanýǵa berilgen «Zaria» - azyq-túlik taýarlary basym ýniversaldy bólshek saýda bazary bolyyp tabylady. 2024 jyly munda ortalyq kommýnikatsiialarǵa qosylǵan eki jańa bir qabatty pavilon salyndy. Memlekettik qoldaýdyń arqasynda bazar damyp jatyr: 2025 jyly avtoturaq aimaǵy abattandyrylyp, taǵy eki pavilonnyń qurylysy júrgizilýde. Nysan osy jyldyń sońyna deiin tolyq jańǵyrtýdan ótedi dep josparlanǵan.
1999 jyldan beri jumys istep kele jatqan «Zarechnyi» bazary da aýqymdy jańǵyrtýdan ótip jatyr. Onyń aýmaǵynda 5 jabyq ǵimarat jáne birneshe saýda qatary ornalasqan. Ótken jyldan bastap statsionarlyq saýda nysanynyń qurylysy júrgizilýde, ony 2025 jyldyń qyrkúieginde aiaqtaý josparlanǵan. Injenerlik jelilerdi tartý jáne ishki árleý jumystary qarqyndy júrgizilip jatyr. Nysan óz avtoturaǵymen qamtamasyz etilgen.
2000 jyly paidalanýǵa berilgen Ortalyq bazar eki negizgi statsionarlyq ǵimarattan turady, onda azyq-túlik te, azyq-túlikten tys taýarlar da satylady. Sonymen qatar aýmaǵynda pavilondar men saýda qatarlary ornalasqan. Bazarlardy jańǵyrtýdyń Jol kartasy aiasynda bul nysanda da jumystar júrgizilýde.
«Saýda bazarlaryn tolyq jańǵyrtý - Úkimettiń basym mindetteriniń biri. Bul - zań men tártip joly. Saýda ministrligi qajetti normativtik-quqyqtyq bazany tolyq ázirledi. Endi saýda nysandary óz qyzmetin zań talaptaryna sáikestendirýi tiis. Eń aldymen, bul — biznestiń áleýmettik jaýapkershiligi. Kelesi jyldyń basynan bastap jańǵyrtýdan ótpegen bazarlar jumysyn jalǵastyra almaidy», - dedi QR Saýda jáne integratsiia ministrliginiń Saýda komiteti tóraǵasynyń orynbasary Ernur Jáýtikbaev.
Eske salaiyq, QR Saýda ministrligi 2029 jylǵa qarai saýdanyń zamanaýi formattarynyń úlesin 70%-ǵa jetkizýdi josparlap otyr. Qazirgi ýaqytta bul kórsetkish 41%-dy quraidy. Saýda bazarlary da zamanaýi standarttarǵa kóshýi tiis, iaǵni órt qaýipsizdigi men sanitarlyq-epidemiologiialyq normalarǵa sáikes bolýy, tólemkartalary arqyly salyq túsimderiniń ashyqtyǵyn qamtamasyz etýi, sondai-aq tutynýshylarǵa yńǵaily avtoturaq aimaqtarymen jabdyqtalýy qajet.
