Elde tumaý juqtyrǵandar kóbeidi. Sanitariialyq-epidemiologiialyq baqylaý komiteti Gonkong tumaýy taralyp jatqanyn rastap otyr. Bul virýsty 500-ge jýyq adam juqtyrǵan, dep habarlaidy Dalanews.kz "Jetinshi arnaǵa" siltep.
Kópshiliginde dene qyzýy 39 gradýsqa deiin kóterilip, jótel men tamaqtyń isinýi jurttyń mazasyn ábden qashyrǵan. Virýs, ásirese, balalar arasynda órship tur.
Emhanaǵa júginetinder de kóbeigen. Kúnine dárigerge 50-ge jýyq naýqas qaralady. Dárigerlerdiń aitýynsha, ásirese, 14 jasqa deiingi balalar arasynda tumaý jiilegen.
"Aýrýǵa qarsy em der kezinde jasalmasa, ol ókpeniń qabynýy, pnevmoniia, bronhitke deiin asqynýy múmkin", - deidi mamandar.
Biylǵy epidemiologiialyq maýsym bastalǵaly bir million tórt júz myńǵa jýyq adam jiti respiratorlyq virýstyq infektsiiany juqtyrǵan. Tek ótken aptada 150 myńnan asa jaǵdai tirkeldi. Al qyrkúiek aiynan beri tumaý 600-ge jýyq adamda anyqtalǵan. Sonyń 578-i – N3N2 shtamy, iaǵni Gonkong tumaýy.
"Tumaýdyń jańa shtamdary, jańa túrleri paida bolǵan joq. Bul byltyr da, aldyńǵy jyly da bizdiń elde ainalymda bolǵan. Eshqandai jańa virýs emes, sol úshin qatty dúrbeleńge salynyp, úreilenýdiń qajeti joq", - deidi SEBK basqarma basshysy Jasulan Alpysbaev.
