ەلدە تۇماۋ جۇقتىرعاندار كٶبەيدٸ. سانيتارييالىق-ەپيدەميولوگييالىق باقىلاۋ كوميتەتٸ گونكونگ تۇماۋى تارالىپ جاتقانىن راستاپ وتىر. بۇل ۆيرۋستى 500-گە جۋىق ادام جۇقتىرعان, دەپ حابارلايدى Dalanews.kz "جەتٸنشٸ ارناعا" سٸلتەپ.
كٶپشٸلٸگٸندە دەنە قىزۋى 39 گرادۋسقا دەيٸن كٶتەرٸلٸپ, جٶتەل مەن تاماقتىڭ ٸسٸنۋٸ جۇرتتىڭ مازاسىن ەبدەن قاشىرعان. ۆيرۋس, ەسٸرەسە, بالالار اراسىندا ٶرشٸپ تۇر.
ەمحاناعا جٷگٸنەتٸندەر دە كٶبەيگەن. كٷنٸنە دەرٸگەرگە 50-گە جۋىق ناۋقاس قارالادى. دەرٸگەرلەردٸڭ ايتۋىنشا, ەسٸرەسە, 14 جاسقا دەيٸنگٸ بالالار اراسىندا تۇماۋ جيٸلەگەن.
"اۋرۋعا قارسى ەم دەر كەزٸندە جاسالماسا, ول ٶكپەنٸڭ قابىنۋى, پنەۆمونييا, برونحيتكە دەيٸن اسقىنۋى مٷمكٸن", - دەيدٸ ماماندار.
بيىلعى ەپيدەميولوگييالىق ماۋسىم باستالعالى بٸر ميلليون تٶرت جٷز مىڭعا جۋىق ادام جٸتٸ رەسپيراتورلىق ۆيرۋستىق ينفەكتسييانى جۇقتىرعان. تەك ٶتكەن اپتادا 150 مىڭنان اسا جاعداي تٸركەلدٸ. ال قىركٷيەك ايىنان بەرٸ تۇماۋ 600-گە جۋىق ادامدا انىقتالعان. سونىڭ 578-ٸ – ن3N2 شتامى, ياعني گونكونگ تۇماۋى.
"تۇماۋدىڭ جاڭا شتامدارى, جاڭا تٷرلەرٸ پايدا بولعان جوق. بۇل بىلتىر دا, الدىڭعى جىلى دا بٸزدٸڭ ەلدە اينالىمدا بولعان. ەشقانداي جاڭا ۆيرۋس ەمەس, سول ٷشٸن قاتتى دٷربەلەڭگە سالىنىپ, ٷرەيلەنۋدٸڭ قاجەتٸ جوق", - دەيدٸ سەبك باسقارما باسشىسى جاسۇلان الپىسباەۆ.
