Qazaqstanda esirtki qylmysyna bailanysty 49 jasóspirim ustaldy. Bul týraly Ishki ister ministriniń orynbasary Sanjar Ádilov málimdedi, dep habarlaidy Dalanews.kz.
“Búgingi tańda esirtki qylmysyna qatysty 49 jasóspirim ustaldy. Qazirgi ýaqytta QAJK (Qylmystyq-atqarý júiesi komiteti) mekemelerinde 9 jasóspirim qamaýda otyr. Olar sottalmas buryn eshqandai esepte bolmaǵan. Qylmysty aqsha tabý maqsatynda jasaǵan”, – dedi Ádilov.
Onyń aitýynsha, jasóspirimderge arnalǵan jalǵyz koloniia Almaty qalasynda ornalasqan.
“Koloniiaǵa túsken kúnnen bastap olardyń arasynda profilaktikalyq is-sharalar ótkiziledi: esirtki qoldanýdyń saldary týraly dárister men áńgimeler uiymdastyrylady. Sonymen qatar narkologtar, psihiatrlar jáne úkimettik emes uiymdardyń ókilderi shaqyrylady. Jasóspirimderge arnalǵan profilaktika baǵdarlamasy bilim berý, meditsinalyq jáne operativti sharalardy qamtidy. Munyń barlyǵy olardyń ońalýyna baǵyttalǵan”, – dep tolyqtyrdy Ádilov.
