Aqpan aiynda “Enbek” elektrondyq eńbek birjasynda 121,8 myń bos jumys orny men 132,3 myń túiindeme ornalastyryldy. Ótken aimen salystyrǵanda bos jumys oryndarynyń sany 23,2%-ǵa artsa, túiindemeler sany kerisinshe 31%-ǵa (minýs 59,6 myń) azaidy, dep habarlaidy Dalanews.kz.
Eń kóp bos jumys oryndaryn usynǵan salalar:
Aqparat jáne bailanys – 40,9 myń vakansiia
Bilim berý – 26,6 myń vakansiia
Densaýlyq saqtaý – 9,3 myń vakansiia
Densaýlyq saqtaý salasynda eń úlken suranys sanitarlar (1,5 myń) men medbikelerge (1,3 myń) boldy.
Biliktilik qurylymy boiynsha suranys:
Joǵary bilikti mamandar – 59%
Orta bilikti mamandar – 29%
Biliktiligi joq mamandar – 12%
Óńirler boiynsha eńbek naryǵynyń dinamikasy:
Bos jumys oryndarynyń sany artqan aimaqtar:
Batys Qazaqstan oblysy – +301%
Shyǵys Qazaqstan oblysy – +156%
Qaraǵandy oblysy – +76%
Kerisinshe, tómendeý baiqalǵan óńirler:
Jetisý oblysy – -33%
Shymkent qalasy – -26%
Mańǵystaý oblysy – -25%
Túiindemeler sany azaiǵan óńirler:
Mańǵystaý oblysy – -46% (5,8 myń birlik)
Jetisý oblysy – -45% (4,3 myń birlik)
Jambyl oblysy – -44% (6,3 myń birlik)
Genderlik jáne jas erekshelikteri boiynsha:
Jumys izdeýshilerdiń 53%-yn áielder, 47%-yn erler quraidy – bul kórsetkish ózgerissiz qaldy.
Eń belsendi izdenýshiler – 26-35 jas aralyǵyndaǵy azamattar (26,6%), odan keiin 36-45 jas aralyǵyndaǵy mamandar (26,1%).
25 jasqa deiingi jastar – 14,9%, 55 jastan asqandar – 12% úleske ie.
Jalaqy deńgeii:
Aqpan aiynda eńbek birjasynda eń joǵary jalaqy 663 myń teńgeni qurap, bas qurylysshylarǵa usynyldy.
Sonymen qatar telekommýnikatsiiadaǵy joba jetekshileri – 653 myń teńge, ónimdi ázirleý jónindegi basshylar – 625 myń teńge mólsherinde jalaqy alýǵa úmitker bola alady.
IT-bólimsheler basshylary, energojúie inspektorlary men geofizikter eń joǵary jalaqyny suraǵan mamandyqtar qatarynda.
Jalpy, 2025 jyldyń aqpanynda túiindemeler sany azaiǵan kezde bos jumys oryndarynyń aitarlyqtai ósýi baiqaldy. Joǵary bilikti mamandar, ásirese IT, bilim berý jáne meditsina salalarynda áli de suranysqa ie. Alaida, keibir salalarda jalaqy boiynsha usynystar men úmitter arasyndaǵy alshaqtyq saqtalýda.
