Aýyl sharýashylyǵy ministri Aidarbek Saparov biyl elimizde aýyl sharýashylyǵy daqyldary egiletin jer kólemi ótken jylmen salystyrǵanda 518 myń gektarǵa artatynyn málimdedi, dep habarlaidy Dalanews.kz.
Ministrdiń aitýynsha, aýyl sharýashylyǵy ónimin eki ese ulǵaitý jónindegi jol kartasy aiasynda egis alqaptaryn ártaraptandyrý jumystary jalǵasady. Barlyq tiisti kórsetkish ákimdikterge jetkizilgen.
“Biyl aýyl sharýashylyǵy daqyldary 23,8 million gektarǵa egiledi, bul ótken jylmen salystyrǵanda 518 myń gektarǵa kóp”, — dedi ministr.
Ártaraptandyrý aiasynda rentabeldigi joǵary daqyldardyń kólemi 750 myń gektarǵa ulǵaiady.
“Onyń ishinde: maily daqyldar – 365 myń ga,azyqtyq daqyldar – 184 myń ga, arpa – 114 myń ga, qaraqumyq – 41,5 myń ga, kartop – 15 myń ga bolady”, — dep qosty ol.
Sonymen qatar bidaiǵa táýeldilikti azaitý maqsatynda egistik qurylymyn ózgertý jumystary jalǵasyp jatyr. Sońǵy eki jylda bidai alqaby 730 myń gektarǵa, al biyl 159 myń gektarǵa qysqarǵan.
Ministr maily jáne burshaq daqyldaryna ishki jáne syrtqy naryqta turaqty suranys bar ekenin atap ótti.
“Máselen, bidaidyń ortasha baǵasy tonnasyna 65-70 myń teńge bolsa, zyǵyr jáne raps siiaqty eksportqa baǵyttalǵan daqyldardyń baǵasy 200 myńǵa deiin barady jáne odan da joǵary”, — dedi ol.
Eske salaiyq, buǵan deiin Aýyl sharýashylyǵy ministri Aidarbek Saparov Qazaqstanda egis jumystaryna nesie berýde fermerlerge qoiylatyn talaptar qaita qarastyrylatynyn habarlaǵan edi. Bul týraly "Báiterek" holdingi basshylyǵymen, sondai-aq holding quramyna kiretin qarjy institýttarynyń ókilderimen kezdesýi kezinde málim boldy.
"Kezdesý barysynda egis jumystaryna nesie alý kezinde fermerlerge qoiylatyn jekelegen talaptardy alyp tastaý máselesi qaraldy. Ministrdiń tapsyrmalary "Báiterek" holdinginiń jumysyna alyndy jáne jaqyn arada qaita qaralatyn bolady", - deidi quzyrly vedomstvo.
Kezdesýde 2025 jylǵy kóktemgi egis jáne egin jinaý jumystaryn erte qarjylandyrýǵa ótinimderdi qabyldaýǵa qatysty máselelerge nazar aýdaryldy. Prezidenttiń tapsyrmasyn oryndaý sheńberinde osy maqsattarǵa 700 mlrd teńgege deiin baǵyttaý josparlanýda, onyń 560 mlrd teńgesi naryqtyq kapital kózderinen tartylatyn bolady.
2024 jyldyń 29 qarashasynan bastap "Agrarlyq nesie korporatsiiasy" AQ "Keń dala 2" baǵdarlamasy boiynsha jyldyq 5% jeńildikti syiaqy mólsherlemesimen qarjylandyrý ashyldy. 1364 aýyl sharýashylyǵy taýaryn óndirýshilerden shamamen 205,1 mlrd teńge somaǵa ótinimderdiń jalpy pýly qalyptastyryldy, onyń ishinde 1253 AShTÓ-den 195,5 mlrd teńge somaǵa ótinimder jumysqa qabyldandy. 125,6 mlrd teńge somasyna 907 AShTÓ qarjylandyryldy.
Sonymen qatar, kezdesý barysynda yntymaqtastyqty keńeitý, jeńildetilgen kredit berý baǵyttary, agrarlyq sektorǵa investitsiialar tartý, agroónerkásiptik keshenniń basym baǵyttary boiynsha "AKK" AQ qarajatyna iske asyrylatyn jobalar, qarjylandyrýdyń jańa tetikteri jáne 2025 jylǵa arnalǵan josparlar qaraldy.
Memleket basshysynyń tapsyrmalaryn iske asyrý sheńberinde Aidarbek Saparov aýyl sharýashylyǵynyń turaqty damýyna qol jetkizý, agrarlyq sektordy qoldaý boiynsha jańa baǵyttardy engizý jáne salany qarjylandyrý qarqynyn kúsheitý qajettiligi úshin yntymaqtastyqtyń mańyzdylyǵyn atap ótti.
