Brendtiń jańa resmi distribiýtory – Silkway Auto Kazakhstan boldy, ol «Astana Motors», kompaniianyń enshiles kompaniiasy, buǵan deiin avtokólikterdi Qazaqstan naryǵyna brendtiń reseilik ókilderi jetkizip kelgen.
«Tikelei» debiýt úshin Changan óz modelder qatarynan eń tanymal kólikterin iriktep aldy, olar: CS35PLUS jáne CS75FL krossoverleri, sondai-aq premialdy tehnologiialy kóshbasshy – UNI-K.
Avtokólikterdiń barlyǵy Qazaqstanǵa tikelei Qytai zaýytynan jetkiziletin bolady.
Changan brendiniń birinshi tanystyrylymynda jýrnalister men avtoblogerlerge 2 model usynyldy. Biýdjettik jáne yqsham krossover CS35PLUS, onyń bazalyq jinaqtamasy úshin satyp alýshy 8 990 000 teńge jumsaityn bolady.
Bul basqa brendterdiń osy sanattaǵy avtokólikteriniń baǵasynan áldeqaida tómen! Model 1,6 litrli qozǵaltqysh kólemimen jáne 117 a.k. qýatymen qoljetimdi, al berilister qoraby eki nusqada – avtomat jáne mehanika.
Ortasha ólshemdi CS75FL krossoveri kólemi 1,8 litrli jáne qýaty 150 a.k. bolatyn týrbinaly benzindik qozǵaltqyshymen jabdyqtalǵan. Berilis qoraby avtomatty, ony áigili japondyq AISIN kompaniiasy shyǵarady, tolyq jetekti. Bazalyq nusqada – alty qaýipsizdik jastyǵy, klimat-kontrol, 10,25 diýimdik ekranymen jabdyqtalǵan mýltimedia júiesi bar. CS75FL quny – 14 490 000 teńgeden bastalady.
Tipti, bazalyq nusqada – bul tehnikalyq jabdyqtalýy boiynsha bai kólik: 2,0 týrboqozǵaltqyshy 226 a.k. qýatyn beredi, AISIN kompaniiasy usynǵan sý jańa 8 satyly avtomatty berilis qoraby, eń zamanaýi intellektýaldy qaýipsizdik júieleri jáne premialdy Sony aýdiojúiesi ornatylǵan.
Bastapqy jinaqtamasy tek aldyńǵy jetekpen qoljetimdi, qalǵan eki nusqasy – tolyq jetekti, óndirýshisi – áigili Borg Warner. Bazalyq jinaqtamasy 17 490 000 teńgeden bastalady.
«Astana Motors» kompaniiasynyń enshiles kompaniiasy – Silkway Auto Kazakhstan Qazaqstandaǵy Changan brendiniń ókili. Qytai tarapy resmi distribiýtordy «Astana Motors» kompaniiasynyń 30 jyldyq tarihy men bedelin negizge ala otyryp tańdaǵan, al Changan kontserniniń tarihy 160 jyldy quraidy!
Changan International Corporation álemde qytailyq avtobrendterdiń arasynda birinshi oryndy ielenedi. Álemdik avtoónerkásiptegi tehnologiialyq kóshbasshylardyń alǵashqy ondyǵyna jáne Qytaidyń avtokólik brendteriniń «úlken tórttigine» kiredi.
Suranyspen rastalǵan bedel – byltyrǵy jyldyń ózinde avtokontsern álemdik naryqta 2,3 mln avtokólik satqan.
Taǵy bir aita keterligi, bizdiń naryqqa biyl Changan brendimen 700 avtokólik keledi. Qazaqstandaǵy Changan resmi distribiýtorynyń direktory Sergei Galkinniń aitýynsha, avtokólikterdiń alǵashqy partiiasy Qazaqstanǵa jetip qoiǵan jáne 29 qyrkúiekte Almatyda jáne Astanada satylymǵa daiyndalyp jatyr.
– Bizdiń Changan brendin damytý boiynsha boljamdar óte optimistik kózqarasta, sondyqtan kelesi jyldyń jospary boiynsha dilerlik ortalyqtarǵa 6 myń avtokólikti alyp kelip, modelder qataryn kóbeitýdi kózdep otyrmyz. Qazaqstandyqtar barlyq óńirde mol tańdaýǵa ári shoý-rýmdarǵa jáne dilerlik ortalyqtarǵa barý múmkindigine ie bolady, – dep túsindirdi distribýtsiia basshysy.
Changan avtokólikterine beriletin zaýyttyq kepildik – 3 jyl nemese 100 myń shaqyrym qashyqtyq. Kepildi jáne josparly TQK dilerlik ortalyqtarda júzege asyrylady.
Alǵashqy Changan dilerlik ortalyǵy Almaty qalasyndaǵy Mycar Almaty jańa avtoortalyǵynda ashylǵan, taǵy bireýi – Astana qalasynda.
Jyl sońyna deiin distribiýtor óńirlik jelini 10 dilerlik ortalyqqa deiin kóbeitip, Atyraý, Qaraǵandy, Qostanai, Pavlodar, Oral, Óskemen, Shymkent qalalaryn qamtý kózdelip otyr, al 2023 jyldyń sońyna deiin olardyń sany 18-ge deiin ósetin bolady.
