Tótenshe jaǵdailar ministrligi biyl jańa tehnikalar satyp alatynyn málimdedi, dep habarlaidy Dalanews.kz.
Bul týraly ministrlik basshysy Shyńǵys Árinov úkimet otyrysynda habarlady.
Árinov tótenshe jaǵdailarǵa jedel áreket etý maqsatynda ministrlik bólimsheleriniń jaýyngerlik daiyndyǵy kúsheiip jatqanyn atap ótti. Onyń aitýynsha, respýblikalyq jáne jergilikti biýdjet qarajaty, sondai-aq lizing esebinen 728 arnaiy tehnika men 18 myńnan astam qural-jabdyq alynýda.
“Satyp alynǵan tehnikanyń negizgi bóligi aýdandyq bólimshelerdiń qajettiligine qarai bólinbek. Sonymen qatar, materialdyq-tehnikalyq jabdyqtaý aiasynda biik ǵimarattarǵa arnalǵan órtke qarsy eki dron alǵash ret satyp alynady”, - dedi ol.
Ministrdiń sózinshe, Aqmola oblysynda pilottyq joba sheńberinde ámbebap qutqarý bólimshesi qurylǵan. Oǵan órt sóndirýshiler, dárigerler jáne qutqarýshylar kiredi, bul zardap shekkenderge jedel keshendi kómek kórsetýge múmkindik beredi.
Sonymen birge, ministr órt sóndirý bólimshelerin salý tásiline ózgeris engizilgenin málimdedi. Tamyz aiynan bastap Astanada 3,5 aidyń ishinde tez qurastyrylatyn qurylymdardan turǵyzylǵan órt sóndirý bólimi iske qosyldy.
Árinovtiń aitýynsha, osy tásil elimizdiń barlyq óńirlerinde qoldanylady. Jalpy, Qazaqstanǵa 121 órt sóndirý deposy qajet ekendigi de aityldy.
