BYD qytailyq avtokontserny biylǵy toqsan qorytyndysy boiynsha satylymyn 2 paiyzdan astamǵa azaitty. China EV Data Tracker dereginshe, bul 2020 jyldan bergi alǵashqy tómendeý. Buǵan deiin kompaniianyń satylymy turaqty ósip kelgen edi, tek sońǵy jaz ailarynda ósimniń qarqyny baiaýlady, dep habarlaidy Dalanews.kz.
Al Geely kontserni úshinshi toqsanda ótken jylmen salystyrǵanda 96 paiyzdyq ósim tirkedi.
BYD úshinshi toqsanda álem boiynsha 1 105 591 kólik satqan. Sarapshylardyń aitýynsha, kórsetkish odan da tómen bolýy múmkin edi, eger keibir faktorlar bolmaǵanda. Máselen, eksport kólemi 146 paiyzǵa ósip, 232,8 myń mashinaǵa jetken. Sondai-aq taza elektromobilderge suranys shamamen úshten birine artyp, 582,5 myń kólik satylǵan.
Qyrkúiek aiynda kompaniia satylymy jalpy eseppen 6 paiyzǵa tómendese, BYD negizgi brendine suranys birden 11,6 paiyzǵa azaiǵan. Bul ásirese ishki naryqta aiqyn baiqalady.
Al gibridti modelderge suranys alty ai qatarynan quldyrap keledi. Qyrkúiekte tómendeý 25 paiyzdy qurady.
Sonymen qatar BYD-dyń basqa markalary kerisinshe ósim kórsetýde.
FangChengBao jol talǵamaityn kólikteriniń satylymy ótken jylmen salystyrǵanda 345 paiyzǵa artty (shamamen 24 myń kólik);
Yangwang premiým markasynyń satylymy 145 paiyzǵa kóbeiip, 758 kólikke jetti.
Satyp alýshylardyń qyzyǵýshylyǵy artqanyna qaramastan, jalpy satylym sany boiynsha Geely áli de BYD-dan tómen tur. Degenmen onyń modeldik lineekalarynyń tanymaldyǵy ósip keledi. Máselen, Geely Galaxy seriiasynyń qyrkúiektegi satylymy bir jyl ishinde 130 paiyzdan astam ósip, rekordtyq 120 868 kólikke jetken.
Kúzde sondai-aq Xiaomi, Xpeng jáne Leapmotor syndy jańa startaptardyń da tarihi kórsetkishteri tirkelip otyr.
