Qazaqstanda bosqyn mártebesin alý qaǵidalaryna ózgerister engizildi, dep habarlaidy dalanews.kz.
2026 jylǵy 30 maýsymda Eńbek jáne halyqty áleýmettik qorǵaý ministri qol qoiǵan buiryqqa sáikes, elge kelgen nemese qýdalaý qaýpi týyndaǵan azamattar bes kún ishinde turǵylyqty jeri boiynsha jumyspen qamtý máseleleri jónindegi jergilikti organǵa jazbasha ótinish berýi tiis.
Ótinishke jeke basyn kýálandyratyn qujattar qosa tirkeledi. 18 jasqa tolǵan adamdarǵa Qazaqstan aýmaǵynda zańdy túrde júrgenin rastaityn, úsh ai merzimge jaramdy kýálik beriledi.
Eger ótinish otbasy múshelerimen qaita qosylý negizinde berilse, ótinish iesi týystyq qatynasty rastaityn qujattardy usynýǵa mindetti. Sonymen qatar, usynylǵan málimetterdiń durystyǵyn tekserý úshin ótinish berýshimen jáne qabyldaýshy tarappen suhbat jeke-jeke júrgiziledi.
Jańa buiryq 2026 jylǵy 18 shildeden bastap kúshine enedi.
