Qazaqstannyń memlekettik orman qory aýmaǵynda bir táýlikte eki orman órti tirkeldi, dep habarlaidy dalanews.kz.
Orman sharýashylyǵy jáne janýarlar dúniesi komiteti málimetinshe, órtterdiń biri Batys Qazaqstan oblysynda, ekinshisi Ulytaý memlekettik ulttyq tabiǵi parkiniń aýmaǵynda bolǵan.
«Batys Qazaqstan oblysynda tirkelgen órt oshaǵy RMQK «Qazaviaormanqorǵaý» kásipornynyń áýe patrýldeýi barysynda anyqtaldy. Órt týraly habarlama túsken sátten bastap orman mekemeleriniń kúshteri men quraldary jedel túrde oqiǵa ornyna jiberildi», - delingen habarlamada.
Órtti sóndirýge «Qazaviaormanqorǵaý» kásipornynyń áýe órt sóndirý desantshylary men memlekettik orman kúzetiniń kúshteri jumyldyrylǵan.
Komitettiń málimetinshe, elimizde aptap ystyq pen naizaǵaily fronttardyń saqtalýyna bailanysty orman órti qaýpi joǵary deńgeide qalyp otyr. Osyǵan bailanysty memlekettik orman kúzeti men «Qazaviaormanqorǵaý» kúsheitilgen rejimde jumys istep, áýe jáne jerústi patrýldeý jumystaryn úzdiksiz júrgizip jatyr.
