قازاقستاننىڭ مەملەكەتتٸك ورمان قورى اۋماعىندا بٸر تەۋلٸكتە ەكٸ ورمان ٶرتٸ تٸركەلدٸ, دەپ حابارلايدى dalanews.kz.
ورمان شارۋاشىلىعى جەنە جانۋارلار دٷنيەسٸ كوميتەتٸ مەلٸمەتٸنشە, ٶرتتەردٸڭ بٸرٸ باتىس قازاقستان وبلىسىندا, ەكٸنشٸسٸ ۇلىتاۋ مەملەكەتتٸك ۇلتتىق تابيعي پاركٸنٸڭ اۋماعىندا بولعان.
«باتىس قازاقستان وبلىسىندا تٸركەلگەن ٶرت وشاعى رمقك «قازاۆياورمانقورعاۋ» كەسٸپورنىنىڭ ەۋە پاترۋلدەۋٸ بارىسىندا انىقتالدى. ٶرت تۋرالى حابارلاما تٷسكەن سەتتەن باستاپ ورمان مەكەمەلەرٸنٸڭ كٷشتەرٸ مەن قۇرالدارى جەدەل تٷردە وقيعا ورنىنا جٸبەرٸلدٸ», - دەلٸنگەن حابارلامادا.
ٶرتتٸ سٶندٸرۋگە «قازاۆياورمانقورعاۋ» كەسٸپورنىنىڭ ەۋە ٶرت سٶندٸرۋ دەسانتشىلارى مەن مەملەكەتتٸك ورمان كٷزەتٸنٸڭ كٷشتەرٸ جۇمىلدىرىلعان.
كوميتەتتٸڭ مەلٸمەتٸنشە, ەلٸمٸزدە اپتاپ ىستىق پەن نايزاعايلى فرونتتاردىڭ ساقتالۋىنا بايلانىستى ورمان ٶرتٸ قاۋپٸ جوعارى دەڭگەيدە قالىپ وتىر. وسىعان بايلانىستى مەملەكەتتٸك ورمان كٷزەتٸ مەن «قازاۆياورمانقورعاۋ» كٷشەيتٸلگەن رەجيمدە جۇمىس ٸستەپ, ەۋە جەنە جەرٷستٸ پاترۋلدەۋ جۇمىستارىن ٷزدٸكسٸز جٷرگٸزٸپ جاتىر.
