IIM qoǵamdyq oryndarda adamnyń bet-júzin tanýǵa kedergi keltiretin kiim kiiýge qatysty eskertý jasady, dep habarlaidy dalanews.kz.
Bul norma "Quqyqbuzýshylyq profilaktikasy týraly" zańnyń 75-baby 3-tarmaǵynda kórsetilgen. Iaǵni adamnyń túr-sipatyn tanýǵa múmkindik bermeitindei deńgeide betti tolyq jabatyn kiim kiiý quqyqbuzýshylyq bolyp sanalady.
Alaida bul talap aýa raiyna, meditsinalyq sebepterge, qyzmettik mindetti oryndaýǵa, sondai-aq, sporttyq jáne mádeni is-sharalarǵa qatysýǵa qoldanylmaidy.
IIM málimetinshe, mundai quqyqbuzýshylyq úshin Ákimshilik quqyqbuzýshylyq týraly kodekstiń 434-3-baby boiynsha jaýapkershilik qarastyrylǵan. Alǵash ret ereje buzǵandarǵa eskertý beriledi. Bir jyl ishinde qaitalansa, 10 ailyq eseptik kórsetkish kóleminde aiyppul salynady.
Qazir osy bap boiynsha 1179 adam ákimshilik jaýapkershilikke tartylǵan.
