Yńǵaily ári qaýipsiz tsifrlyq ortany qalyptastyrý maqsatynda qazaqstandyq memlekettik organdar men olardyń vedomstvolyq baǵynysty uiymdaryna jeke mobildi qosymshalar ázirleýge tyiym salynady. Qosymshalardy engizý tek eGov jáne Aitu platformalary arqyly júzege asyrylady, dep habarlaidyDalanews.kz. Úkimettiń baspasóz qyzmetine silteme jasap.
Buǵan qosa, yńǵaily ári qaýipsiz tsifrlyq ortany qalyptastyrý maqsatynda barlyq memlekettik mobildi servister kezeń- kezeńimen eGov jáne Aitu ekojúielerine SuperApp qaǵidaty boiynsha biriktiriledi. Bul bastama mobildi qosymshalardyń bytyrańqylyǵyn joiyp, protsesterdi jedeldetýge jáne halyqqa kórsetiletin memlekettik qyzmetterdiń sapasyn arttyrýǵa múmkindik beredi. Atalǵan jáne ózge de sheshimder Premer- Ministr Oljas Bektenovtyń tóraǵalyǵymen ótken tsifrlyq shtab otyrysynyń qorytyndysy boiynsha qabyldandy.
«Tsifrlyq shtabtyń sheshimimen memlekettik organdarǵa Astana Hub IT – startaptar tehnoparkiniń basym qyzmet túrleriniń tizimine mýltimedia, dizain jáne oiyndardy basyp shyǵarý, baǵdarlamalyq qamtamasyz etýdi engizý, súiemeldeý jáne túrlendirý, sondai- aq kibersport salasyndaǵy qyzmetter sekildi tanymal baǵyttardy qosý tapsyryldy. Buǵan qosa, tizim Qazaqstan rezidenti emes tulǵalarǵa baǵdarlamalyq qamtamasyz etý arqyly biznes- protsesterdi aýtsoring negizinde kórsetý jáne aǵylshyn tilin oqytý qyzmetterimen tolyqtyryldy. Qyzmet aiasyn keńeitý Astana Hub-tyń jahandyq tehnologiialyq qaýymdastyqty tartý ortalyǵy retindegi ornyn kúsheitedi»,- dep habarlady Úkimettiń baspasóz qyzmeti.
