Mundai qylmystardyń kóbisi Astanada, Qaraǵandy men Pavlodar oblystarynda tirkelgen. Qazaqstanda jalǵan qońyraýlar men habarlamalarmen bailanysty alaiaqtyq epizodtar sany 2,1 esege ósti, dep habarlaidy Dalanews.kz Datahub-ke silteme jasap.
2025 jyldyń segiz aiynda osyndai 4,3 myń jaǵdai anyqtaldy.
"Bul - 2024 jyldyń sáikes kezeńindegi kórsetkishten 2,1 ese joǵary. Eń joǵary mánder Astanada, Qaraǵandy men Pavlodar oblystarynda baiqalady: úsh óńirge el boiynsha jiyntyq epizodtardyń úshten bir bóligi sai keledi", - deidi sarapshylar.
Internettegi alaiaqtyq boiynsha tirkelgen epizodtardyń jalpy sany da ósýde. Tamyz aiynda bul kórsetkish 22% -ǵa ósip, ótken jyldyń sáikes kezeńimen salystyrǵanda 17,2 myń jaǵdaidy qurady.
Atalǵan jaǵdailardyń shamamen 16% -y Astanaǵa tiesili, sondai-aq Almatyda, Qaraǵandy men Pavlodar oblystarynda da joǵary kórsetkishter tirkelýde. Ásirese, Pavlodar óńiri eń joǵary kórsetkishke ie, munda internet-alaiaqtyq sany 10 myń turǵynǵa shaqqanda ósip otyrady.
Aita ketsek, kúni keshe Aqmola oblysynyń prokýratýrasy áleýmettik turǵydan osal azamattardy urlap, olardyń atyna iri banktik nesieler rásimdeýmen ainalysqan uiymdasqan qylmystyq topqa (UQT) qatysty qylmystyq isti tergeýdi aiaqtaǵandaryn jariialady. UQT quramyna elimizdiń túrli óńirlerinen 25 adam kirgen. Olardyń arasynda birqatar bankterdiń qyzmetkerleri de bolǵan. Ótken apta sońynda osy habar jariialana salysymen, aty atalǵan bankter bul málimetti joqqa shyǵaryp málimdeme jasady. Alaida, prokýratýra bankter jaǵyna shyǵyp, málimdeme jasaǵan Qazaqstan qarjygerleri qaýymdastyǵynyń ýájin negizsiz dep tapty. Quzyrly organ jariialaǵan aqparat qylmystyq istiń naqty materialdaryna negizdelgenin naqtylady.
