Bala quqyqtary jónindegi ýákil Dinara Zakieva Qazaqstanda balalarǵa qatysty zorlyq-zombylyq derekteri boiynsha qabyldanyp jatqan sharalar týraly málimdedi, dep habarlaidy Dalanews.kz.
Onyń aitýynsha, Almatydaǵy oqiǵa boiynsha qylmystyq is 2025 jyldyń jeltoqsanynda ómir boiyna bas bostandyǵynan aiyrý jazasyn kózdeitin bappen sotqa joldanǵan.
"Sotta is qaita saralanǵandyqtan, biz prokýratýraǵa júgindik. Qazir IIM-men, anasy jáne Lázzat Raqysheva tarapymen turaqty bailanystamyz. Qyz bala qaýipsiz jerde - arnaiy mekemede. Psihologiialyq qoldaý ortalyǵy anasy men qyzyn shaqyryp, olarmen jumys júrgizip jatyr", - dedi ol.
Aita keteiik, bul is VICh juqtyrǵany aitylǵan er adamnyń 13 jastaǵy qyzǵa jynystyq zorlyq kórsetti degen kúdikke bailanysty qozǵalǵan.
Al Batys Qazaqstan oblysyndaǵy jaǵdaiǵa toqtalǵan ýákil óńirlik ókil qyzdyń ákesimen bailanysta ekenin jetkizdi. Otbasy psihologiialyq kómekten bas tartqanymen, ýákil tarapynan jeke jumys júrgizilmek.
"BQO boiynsha óńirlik ýákil qyzdyń ákesimen bailanysta. Olar psihologiialyq kómekten bas tartty. Soǵan qaramastan, óńirlik ýákil tarapynan jeke jumys júrgiziledi. Qazir tergeý júrip jatyr", - dedi ol.
Bul is bastapqyda sheneýnikke qatysty aiyp taǵylǵan oqiǵaǵa bailanysty bolǵan. Keiin jábirlenýshi tarap talap-aryzdan bas tartqany belgili boldy.
Qostanai oblysyndaǵy jaǵdai boiynsha ýákil apparaty isti qaita jandandyrý týraly prokýratýraǵa resmi ótinish joldaǵan. Advokatqa da tiisti aqparat berilgen.
Dinara Zakieva mundai isterdiń árqaisysy ýákildiń baqylaýynda ekenin atap ótti.
