بالا قۇقىقتارى جٶنٸندەگٸ ۋەكٸل دينارا زاكيەۆا قازاقستاندا بالالارعا قاتىستى زورلىق-زومبىلىق دەرەكتەرٸ بويىنشا قابىلدانىپ جاتقان شارالار تۋرالى مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, الماتىداعى وقيعا بويىنشا قىلمىستىق ٸس 2025 جىلدىڭ جەلتوقسانىندا ٶمٸر بويىنا باس بوستاندىعىنان ايىرۋ جازاسىن كٶزدەيتٸن باپپەن سوتقا جولدانعان.
"سوتتا ٸس قايتا سارالانعاندىقتان, بٸز پروكۋراتۋراعا جٷگٸندٸك. قازٸر ٸٸم-مەن, اناسى جەنە لەززات راقىشەۆا تاراپىمەن تۇراقتى بايلانىستامىز. قىز بالا قاۋٸپسٸز جەردە - ارنايى مەكەمەدە. پسيحولوگييالىق قولداۋ ورتالىعى اناسى مەن قىزىن شاقىرىپ, ولارمەن جۇمىس جٷرگٸزٸپ جاتىر", - دەدٸ ول.
ايتا كەتەيٸك, بۇل ٸس ۆيچ جۇقتىرعانى ايتىلعان ەر ادامنىڭ 13 جاستاعى قىزعا جىنىستىق زورلىق كٶرسەتتٸ دەگەن كٷدٸككە بايلانىستى قوزعالعان.
ال باتىس قازاقستان وبلىسىنداعى جاعدايعا توقتالعان ۋەكٸل ٶڭٸرلٸك ٶكٸل قىزدىڭ ەكەسٸمەن بايلانىستا ەكەنٸن جەتكٸزدٸ. وتباسى پسيحولوگييالىق كٶمەكتەن باس تارتقانىمەن, ۋەكٸل تاراپىنان جەكە جۇمىس جٷرگٸزٸلمەك.
"بقو بويىنشا ٶڭٸرلٸك ۋەكٸل قىزدىڭ ەكەسٸمەن بايلانىستا. ولار پسيحولوگييالىق كٶمەكتەن باس تارتتى. سوعان قاراماستان, ٶڭٸرلٸك ۋەكٸل تاراپىنان جەكە جۇمىس جٷرگٸزٸلەدٸ. قازٸر تەرگەۋ جٷرٸپ جاتىر", - دەدٸ ول.
بۇل ٸس باستاپقىدا شەنەۋنٸككە قاتىستى ايىپ تاعىلعان وقيعاعا بايلانىستى بولعان. كەيٸن جەبٸرلەنۋشٸ تاراپ تالاپ-ارىزدان باس تارتقانى بەلگٸلٸ بولدى.
قوستاناي وبلىسىنداعى جاعداي بويىنشا ۋەكٸل اپپاراتى ٸستٸ قايتا جانداندىرۋ تۋرالى پروكۋراتۋراعا رەسمي ٶتٸنٸش جولداعان. ادۆوكاتقا دا تيٸستٸ اقپارات بەرٸلگەن.
دينارا زاكيەۆا مۇنداي ٸستەردٸڭ ەرقايسىسى ۋەكٸلدٸڭ باقىلاۋىندا ەكەنٸن اتاپ ٶتتٸ.
