Qazaqstanda kámeletke tolmaǵandarǵa qarsy aýyr jáne asa aýyr qylmystar sany azaiǵan, dep habarlaidy Dalanews.kz.
Bul týraly Balalar quqyqtary jónindegi ýákil Dinara Zakieva habarlady. Ol Prezident tapsyrmasy boiynsha balalarǵa zorlyq-zombylyq úshin jazany qatańdatý jónindegi eki jyldyq jumystyń qorytyndysyn usyndy.
Ombýdsmenniń aitýynsha, sońǵy eki jylda elde balalardyń quqyqtaryn qorǵaýdyń tutas júiesi quryldy. Aimaqtarda ákimdikter janynan arnaiy basqarmalar, otbasyn qoldaý ortalyqtary, mobildi toptar men bailanys ortalyǵy ashylǵan. Sondai-aq mektepterde balalarmen tikelei bailanys ornatýǵa múmkindik beretin QR 111 júiesi engizildi.
Qylmystar azaiyp, sýitsidtiń aldyn alý sharalary kúsheidi
2025 jyldyń toǵyz aiynda kámeletke tolmaǵandardyń jynystyq qol suǵylmaýshylyǵyna qarsy qylmystar 18%, al pedofiliia faktileri 24% tómendegen. Sonymen qatar, balalarǵa qatysty kisi óltirý jáne ózge de aýyr qylmystar sany azaiǵan.
Balalar arasyndaǵy óz-ózine qol jumsaýdyń aldyn alýǵa erekshe nazar aýdarylýda. Aimaqtarda psihologiialyq kómek ortalyqtary ashylyp jatyr. Sonyń nátijesinde, sońǵy on jylda alǵash ret Almaty oblysynda sýitsid faktileriniń azaiǵany tirkeldi.
Dinara Zakieva atap ótkendei, balalar sýitsidiniń shamamen 60% otbasyndaǵy kikiljińdermen bailanysty.
Ol ata-analardy óz balalaryna kóbirek súiispenshilik, qamqorlyq jáne nazar bólýge shaqyrdy.
