Qazaqstanda 2026 jyldyń basynan bastap qoǵamdyq tártipti buzǵany úshin salynatyn aiyppuldar ósti, dep habarlaidy Dalanews.kz.
Buǵan ailyq eseptik kórsetkishtiń (AEK) 4 325 teńgege deiin ulǵaiýy sebep boldy. 2025 jyly bul kórsetkish 3 932 teńge bolǵan.
Qandai aiyppuldar qymbattady?
Qoǵamdyq oryndarda balaǵat sóz aitqandarǵa 86 500 teńge aiyppul qarastyrylǵan.
Qoqys tastaý deregi alǵash ret tirkelse – 43 250 teńge, al qaitalanǵan jaǵdaida 86 500 teńge aiyppul salynady.
Alkogoldik ishimdik ishý nemese qoǵamdyq orynǵa mas kúide kelý úshin 21 625 teńgeden 43 250 teńgege deiin aiyppul kózdelgen.
Usaq buzaqylyq jasaǵandarǵa 216 250 teńge aiyppul salynady.
Vandalizm úshin jaza anaǵurlym qatań: aiyppul mólsheri 432 500 teńgeden 8,6 million teńgege deiin jetýi múmkin.
Eger vandalizmdi kámeletke tolmaǵan jasasa, onyń ata-anasyna nemese zańdy ókilderine 64 875 teńge kóleminde aiyppul salynady.
