قازاقستاندا 2026 جىلدىڭ باسىنان باستاپ قوعامدىق تەرتٸپتٸ بۇزعانى ٷشٸن سالىناتىن ايىپپۇلدار ٶستٸ, دەپ حابارلايدى Dalanews.kz.
بۇعان ايلىق ەسەپتٸك كٶرسەتكٸشتٸڭ (اەك) 4 325 تەڭگەگە دەيٸن ۇلعايۋى سەبەپ بولدى. 2025 جىلى بۇل كٶرسەتكٸش 3 932 تەڭگە بولعان.
قانداي ايىپپۇلدار قىمباتتادى?
قوعامدىق ورىنداردا بالاعات سٶز ايتقاندارعا 86 500 تەڭگە ايىپپۇل قاراستىرىلعان.
قوقىس تاستاۋ دەرەگٸ العاش رەت تٸركەلسە – 43 250 تەڭگە, ال قايتالانعان جاعدايدا 86 500 تەڭگە ايىپپۇل سالىنادى.
الكوگولدٸك ٸشٸمدٸك ٸشۋ نەمەسە قوعامدىق ورىنعا ماس كٷيدە كەلۋ ٷشٸن 21 625 تەڭگەدەن 43 250 تەڭگەگە دەيٸن ايىپپۇل كٶزدەلگەن.
ۇساق بۇزاقىلىق جاساعاندارعا 216 250 تەڭگە ايىپپۇل سالىنادى.
ۆانداليزم ٷشٸن جازا اناعۇرلىم قاتاڭ: ايىپپۇل مٶلشەرٸ 432 500 تەڭگەدەن 8,6 ميلليون تەڭگەگە دەيٸن جەتۋٸ مٷمكٸن.
ەگەر ۆانداليزمدٸ كەمەلەتكە تولماعان جاساسا, ونىڭ اتا-اناسىنا نەمەسە زاڭدى ٶكٸلدەرٸنە 64 875 تەڭگە كٶلەمٸندە ايىپپۇل سالىنادى.
