Qazaqstanda aýyl sharýashylyǵyn damytýǵa bólingen aqsha saýna, salon ashýǵa jumsalǵan, dep habarlaidy Dalanews.kz.
Qarjy ministrligi "Aýyl amanaty" baǵdarlamasy boiynsha memleket qarajatyn jymqyrý deregin anyqtady. "Aýyl amanaty" baǵdarlamasy boiynsha 2 myńǵa jýyq qaryz alýshy 13 mlrd teńge nesiesin aýyl sharýashylyǵyn damytýǵa qatysy joq maqsatqa jumsaǵan. Memleket qarajaty sulýlyq salondaryn, saýnalar men meiramhanalar, dúkender ashýǵa jumsalǵan. Bul týraly Úkimet otyrysynda qarjy ministri Mádi Takiev habarlady.
Qarjyny maqsatsyz jumsaý derekteri áleýmettik-kásipkerlik korporatsiialardyń (ÁKK) qyzmetinde de anyqtalǵan.
"Óńirlik áleýmettik-kásipkerlik korporatsiialar memlekettik qoldaýdy baiý quralyna ainaldyryp otyr, olar alǵan nesielerin paiyz túrinde kiris alý úshin bankterge depozit etip salady. Mundai derekter Túrkistan oblysynda 2 mlrd teńgege, Abai oblysynda 152 mln teńgege anyqtaldy", - dedi Takiev.
