قازاقستاندا اۋىل شارۋاشىلىعىن دامىتۋعا بٶلٸنگەن اقشا ساۋنا, سالون اشۋعا جۇمسالعان, دەپ حابارلايدى Dalanews.kz.
قارجى مينيسترلٸگٸ "اۋىل اماناتى" باعدارلاماسى بويىنشا مەملەكەت قاراجاتىن جىمقىرۋ دەرەگٸن انىقتادى. "اۋىل اماناتى" باعدارلاماسى بويىنشا 2 مىڭعا جۋىق قارىز الۋشى 13 ملرد تەڭگە نەسيەسٸن اۋىل شارۋاشىلىعىن دامىتۋعا قاتىسى جوق ماقساتقا جۇمساعان. مەملەكەت قاراجاتى سۇلۋلىق سالوندارىن, ساۋنالار مەن مەيرامحانالار, دٷكەندەر اشۋعا جۇمسالعان. بۇل تۋرالى ٷكٸمەت وتىرىسىندا قارجى مينيسترٸ مەدي تاكيەۆ حابارلادى.
قارجىنى ماقساتسىز جۇمساۋ دەرەكتەرٸ ەلەۋمەتتٸك-كەسٸپكەرلٸك كورپوراتسييالاردىڭ (ەكك) قىزمەتٸندە دە انىقتالعان.
"ٶڭٸرلٸك ەلەۋمەتتٸك-كەسٸپكەرلٸك كورپوراتسييالار مەملەكەتتٸك قولداۋدى بايۋ قۇرالىنا اينالدىرىپ وتىر, ولار العان نەسيەلەرٸن پايىز تٷرٸندە كٸرٸس الۋ ٷشٸن بانكتەرگە دەپوزيت ەتٸپ سالادى. مۇنداي دەرەكتەر تٷركٸستان وبلىسىندا 2 ملرد تەڭگەگە, اباي وبلىسىندا 152 ملن تەڭگەگە انىقتالدى", - دەدٸ تاكيەۆ.
