Birneshe óńirde jol jabylýyna bailanysty TJM jedel jeli telefonyn iske qosty, - dep habarlaidy Dalanews.kz.
"QazAvtoJol" UK" AQ málimetteri boiynsha, qolaisyz aýa raiy jaǵdailaryna, qatty jelge jáne kórinýdiń shektelýine bailanysty 5 óńirdegi respýblikalyq mańyzy bar avtojoldardyń 10 ýchaskesinde qozǵalys jabyq jáne shektelgen.
Aqtóbe, Aqmola, Qostanai, Jambyl, Túrkistan oblystarynda kólik quraldarynyń barlyq túrleriniń qozǵalysy jabyq.
QR TJM Strategiialyq josparlaý jáne jedel basqarý komandalyq ortalyǵynda 8 (7172) 70-41-14, sondai-aq Aqmola oblysynyń TJD 8(7162) 52-09-50 jedel jelisiniń telefony ashyldy.
Aita keteiik, daýyldy eskertýler men aýa raiynyń nasharlaýy kezinde QR TJM mynalardy usynady:
- alys saparlardan aýlaq bolý;
- aýyldyq jerlerdiń turǵyndary uzaq jaiaý saparlardan bas tartý;
- eldi mekenderden tys jerlerge shyqpaý;
- jol jabylatyn jerlerde kólik quraldaryn jinamaý;
- múmkin bolsa, eldi mekenderde, kempingterde nemese jol boiyndaǵy kafelerde bolý.
Sonymen qatar, aýa raiynyń nasharlaýyna bailanysty birneshe óńirdegi oqýshylar onlain oqýǵa kóshti.
- Qaraǵandy oblysynyń bilim basqarmasy 7 qarashada aýa raiynyń qolaisyzdyǵyna bailanysty kelesini habarlaidy:
birinshi aýysym 0-11 synyp oqýshylarynyń, 1-2 kýrs kolledj stýdentteriniń sabaqtary qashyqtan oqýǵa kóshiriledi.
Balqash jáne Priozersk qalalary shtattyq formatta oqidy.
- Aqmola oblysynda: 1 aýysym 0-11 synyptar: Astrahan, Atbasar, Shortandy, Aqkól, Jaqsy, Ereimentaý, Esil aýdandaryndaǵy qala mektepteri, Jarqaiyń aýdanynyń mektepteri, Sandyqtaý aýdanynyń 2 mektebi.
0-9 synyptar: Qosshy qalasy, Tselinograd, Stepnogorsk qalasy, Egindikól, Birjan sal, Arshaly aýdandary.
1-4 synyptar: Kókshetaý qalasy, Zerendi aýdany.
- Pavlodar oblysynda 7 qarashada birinshi aýysymdaǵy mektepaldy, 1-11 synyp oqýshylarynyń jáne 1-2 kýrs kolledj stýdentteriniń sabaqtary qashyqtan oqý formatyna aýystyrylady.
