Qazaqstanda AQSh pen Ýkraina azamattaryna izdeý jariialandy, dep habarlaidy Dalanews.kz.
Myna adamdarǵa izdeý jariialanǵan:
- Dmitry Drýjinsky, 1970 jylǵy 27 maýsymda týǵan, Amerika Qurama Shtattarynyń azamaty;
- Marina Levkovich (Ginzbýrg), 1985 jylǵy 8 qarashada týǵan, Ýkraina azamaty.
Sot sanktsiiasymen olarǵa syrttai qamaýda ustaý túrindegi bultartpaý sharasy qoldanylǵan.
Olar Qazaqstan Respýblikasy aýmaǵynda zańsyz oiyn biznesin uiymdastyrdy degen kúdikke ilingen.
"Tergeý barysynda PIN-UP jáne PINCO brendterimen jumys istegen onlain kazinony shetelden áreket etken adamdar basqarǵany anyqtaldy. D.Drýjinsky men M.Levkovich koordinatorlyq fýnktsiialardy atqaryp, sybailastardy irikteýmen, tólem uiymdary men ekinshi deńgeili bankter ókilderimen ózara jumys isteýmen ainalysqan. Sondai-aq, aqsha qabyldaý men shyǵarý protsesin qamtamasyz etken tólem infraqurylymyn qurǵan jáne onyń jumys isteýine qatysqan", - dedi QMA ókili.
Zańsyz qyzmetti búrkemeleý maqsatynda PIN-UP.KZ brendimen býkmekerlik qyzmetti júzege asyrýǵa memlekettik litsenziia alǵan "Bonami" JShS zańdy tulǵasy qurylǵan.
"Onlain kazino klientterinen túsken qarajat tranzit shottarda jinaqtalyp, keiin kriptovaliýtaǵa aiyrbastalǵan", - dep jazylǵan habarlamada.
Qandai da bir aqparat biletinderden myna nómirge habarlasý suraldy: +7 7172 70 84 78 - kezekshi bólim.
