2025 jylǵy 25 jeltoqsanda Qazaqstanda altyn baǵasy rekordtyq deńgeıge jetti, dep habarlaıdy Dalanews.kz
Ulttyq banktiń dereginshe, 25 jeltoqsanda bir gram altynnyń baǵasy 73 615,20 teńge boldy. Bir kún buryn gram altyn 73 514,30 teńge bolsa, 1 jeltoqsandaǵy baǵasy 68 539,52 teńgeni quraǵan bolatyn.
2025 jyldyń úshinshi toqsanynda Ulttyq bank ekinshi deńgeıli bankter men jeke banktik emes aıyrbastaý pýnktterine jalpy salmaǵy 438,4 keli bolatyn 8 302 merlik slıtokty satty.
Sonymen qatar, Nú-Iorktaǵy COMEX bırjasynda altyn men kúmis baǵalary da ósip, jańa rekordtar ornatýda. 2025 jyldyń basynan beri altynnyń baǵasy bir ýnsıaǵa 1 000 dollardan astamǵa kóterilip, álemdik ekonomıkalyq turaqsyzdyq pen iri elderdegi aqsha-nesıe saıasatynyń jeńildeýin kútýge baılanysty qorǵanys aktıvi retinde suranysqa ıe bolyp otyr.
