Almaty oblysynyń Qaskeleń qalasynda álemge áigili New York Film Academy (NYFA) alǵashqy qazaqstandyq jáne AQSh-tan tys úshinshi kampýsy ashyldy,- dep habarlaidy Dalanews.kz
Bul mańyzdy oqiǵa eldegi kreativti indýstriianyń damýyna serpin berip, jas talanttar úshin jańa múmkindikterdiń esigin ashty.
Joba 2024 jyly Almaty energetika jáne bailanys ýniversiteti tarapynan usynylyp, biylǵy 29 qyrkúiekte Energo University Kreativti indýstriialar parki aýmaǵyndaǵy kampýsta oqytý bastalady. Munda arnaiy AQSh-tan kelgen NYFA kásibi lektorlary dáris beredi.
Bilim berý bes baǵyt boiynsha júrgiziledi:
- kino salasy (Filmmaking);
- prodiýserlik etý (Producing);
- stsenarii jazý (Screenwriting);
- animatsiia jáne vizýaldy effektiler (3D animation & VFX);
- oiyndar dizainy (Game design).
Akademiianyń alǵashqy qabyldaýyna Qazaqstan men kórshiles elderden, sonyń ishinde Qytai, Úndistan jáne Reseiden 200-ge deiin stýdent qabyldanady. Túlekter alǵan diplom amerikandyq ýniversitet diplomyna teńestirilip, olarǵa NYFA-nyń Niý-Iork nemese Los-Andjeles qalalaryndaǵy kampýstarynda oqýyn jalǵastyrý múmkindigin beredi.
Qaskeleńde New York Film Academy filialynyń ashylýy – bul tek bilim berý salasyn keńeitý ǵana emes, sonymen qatar Qazaqstannyń kreativti ekonomikasyn damytýǵa qosylǵan eleýli úles. Jańa ýniversitet kino, animatsiia jáne oiyn indýstriiasy salalarynda kásibi mamandar daiarlaityn myqty platformaǵa ainalyp, jastarǵa halyqaralyq deńgeide tabysqa jetýge jol ashady.
