Ulttyq ekonomika ministrliginiń málimetinshe, Qazaqstanda áleýmettik kásipkerlikpen ainalysatyn sýbektiler sany aitarlyqtai artty, dep habarlaidy Dala news.
2025 jyldyń 31 jeltoqsany boiynsha bekitilgen Reestrge 1431 áleýmettik kásipker engizildi.
Salystyrý úshin aitsaq, 2024 jyldyń qorytyndysy boiynsha tizimde 835 kásiporyn bolǵan. Osylaisha, bir jyl ishinde áleýmettik kásipkerler sany edáýir kóbeigen.
Reestr derekterine sáikes, áleýmettik kásipkerlerdiń basym bóligi Astana men Almaty qalalarynda, sondai-aq Batys Qazaqstan, Almaty jáne Abai oblystarynda shoǵyrlanǵan.
Qyzmet túrleri boiynsha olardyń shamamen:
•60%-y bilim berý salasynda,
•20%-y áleýmettik qyzmet kórsetý salasynda,
•10%-y densaýlyq saqtaý salasynda,
•10%-y basqa baǵyttarda jumys isteidi.
Áleýmettik kásipkerlik sýbektileriniń tizimin qalyptastyrý men júrgizýdi jergilikti atqarýshy organdar usynǵan málimetter negizinde ministrlik júzege asyrady. Ótinimder aldymen arnaiy komissiiada qaralady.
Komissiianyń negizgi mindeti – áleýmettik kásipkerlik salasynda jumys isteitin jeke kásipkerler men zańdy tulǵalardy (iri biznesti qospaǵanda) Reestrge engizý boiynsha usynys berý.
Qoldanystaǵy zańnamaǵa sáikes, Reestr jyl saiyn 1 naýryzǵa deiin, ótken jyldyń 31 jeltoqsanyndaǵy jaǵdai boiynsha bekitiledi.
Aita keteiik, Qazaqstanda áleýmettik kásipkerliktiń quqyqtyq negizi 2021 jyly qalyptasty. Sol kezde zańnamalyq deńgeide «áleýmettik kásipkerlik» uǵymy engizildi. Bul – qoǵamdaǵy áleýmettik máselelerdi sheshýge baǵyttalǵan kásipkerlik qyzmet.
Sonymen qatar, múgedektigi bar azamattar qurǵan kásiporyndar nemese erekshe qajettiligi bar adamdar men áleýmettik osal top ókilderin jumyspen qamtityn biznes te áleýmettik kásipkerlik sanatyna jatady.
