Qazaqstanda akkreditteý rásimderin tsifrlandyrý aiasynda zerthanalar, sertifikattaý jáne inspektsiialyq uiymdardy qashyqtan baǵalaý júiesi engizilip jatyr, dep habarlaidy dalanews.kz.
Saýda jáne integratsiia ministrligi Tehnikalyq retteý jáne metrologiia komitetiniń Ulttyq akkreditteý ortalyǵynyń málimetinshe, búginge deiin 32 qashyqtan baǵalaý rásimi júrgizilgen.
Ortalyqtyń habarlaýynsha, tsifrlyq format baǵalaý rásimderiniń obektivtiligi, táýelsizdigi jáne sapasyn saqtai otyryp, biznes úshin ýaqyt pen uiymdastyrýshylyq shyǵyndardy qysqartýǵa, ákimshilik júktemeni azaitýǵa jáne memlekettik resýrstardy tiimdi paidalanýǵa múmkindik beredi.
2026 jyly qashyqtan baǵalaý ekinshi josparly baǵalaý kezinde pilottyq rejimde qoldanylsa, 2027 jyldan bastap bul tájiribeni barlyq josparly baǵalaýǵa kezeń-kezeńimen engizý josparlanyp otyr.
Sonymen qatar qashyqtan baǵalaý mindetti rásim bolmaidy. Ol tek belgilengen talaptarǵa sáikes keletin jáne qashyqtan jumys isteýge qajetti tehnikalyq múmkindigi bar akkreditteý sýbektilerine ǵana qoldanylady.
Jańa formatty engizý aiasynda Ulttyq akkreditteý ortalyǵy «Qashyqtan baǵalaý» jumys nusqaýlyǵyn, baǵalaýshylarǵa arnalǵan usynymdardy jáne akkreditteý sýbektilerine arnalǵan keri bailanys saýalnamasyn ázirlegen. Ortalyq bul qujattar qashyqtan baǵalaýdyń biryńǵai ári ashyq tártippen júrgizilýin qamtamasyz etip, júieni qatysýshylardyń tájiribesi negizinde jetildirýge múmkindik beretinin málimdedi.
