2025 jyldyń 6 jeltoqsanynan bastap Qazaqstanda nekeni erekshe jaǵdailarda memlekettik tirkeý arqyly buzýdyń qunyn esepteýdiń jańa tártibi kúshine enedi, dep habarlaidy Dalanews.kz PRG.Zanger saityna silteme jasap.
Qyzmet quny 2025 jylǵy 20 qarashadaǵy №587/NQ Qazaqstan Respýblikasynyń Jasandy intellekt jáne tsifrlyq damý ministriniń buiryǵymen bekitilgen.
Qujatqa sáikes, jubaiynyń habar-osharsyz ketkenin, áreketke qabiletsiz nemese shekteýli áreket qabiletti dep tanylǵanyn rastaityn sot sheshimi negizinde, sondai-aq jubaiynyń qylmys jasap, keminde úsh jylǵa bas bostandyǵynan aiyrylǵany týraly sot úkimi nemese jubaiynyń halyqaralyq izdeýge jariialanǵany týraly qylmystyq qýdalaý organynyń qaýlysy negizinde neke qiiýdy memlekettik tirkeý arqyly buzýdyń quny QQS-syz 345 teńgeni jáne QQS-pen 386,4 teńge.
«Bul soma bekitilgen jáne ózgeriske jatpaidy. Osylaisha memlekettik qyzmetke júgingen kezde azamattardyń shyǵystarynyń ashyqtyǵy men aldyn ala boljanýyn qamtamasyz etedi», - dep túsindiredi ministrlik.
Aita keteiik, buǵan deiin osyndai qyzmet túrleriniń tarifi óńirge nemese jaǵdaiǵa bailanysty ártúrli bolýy múmkin edi. Al jańa ózgerister bul úderisti standarttap, halyq úshin qoljetimdi bolýyn qamtamasyz etedi.
