Aita ketsek, kúni keshe Memleket basshysy qabyldaýynda bolǵan Energetika ministri Almasadam Sátqalievke atom elektr stantsiiasynyń qurylysyn jedeldetýdiń mańyzdylyǵy túsindirilgen. Búginderi Almatyda júrgen ministrge jýrnalister qaýymy kópti alańdatqan suraqty taǵy qoiyp kórdi, dep jazady Dalanews.kz.
"Úkimet janynan qurylǵan atom elektr stantsiiasyn salý máselesi jónindegi arnaiy komissiia óz jumysyn jedeldetedi, al konsortsiýmǵa qatysýshylar boiynsha sheshim 2025 jyldyń birinshi jartysynda qabyldanady", - dedi bul rette ministr qysqa qaiyryp.
Demek, Qazaqstanda atom elektr stantsiiasyn kim salatyny 2025 jyldyń birinshi jarty jyldyǵynda belgili bolyp qalady.
Bul rette resmi derekkózder Qazaqstannyń Resei, Qytai, Ońtústik Koreia jáne Frantsiia kompaniialarynyń usynystaryn qarastyryp jatqanyn aitqan bolatyn.
Keshe, 23 jeltoqsanda Memleket basshysy Qasym-Jomart Toqaev Energetika ministri Almasadam Sátqalievti qabyldady. Elimizdiń energetika salasyndaǵy negizgi máseleler taqysy barysynda Prezident Qazaqstandaǵy atom elektr stantsiiasynyń qurylysyn jedeldetýdiń mańyzyn atap ótti.
Aita ketsek, Almaty oblysy Jambyl aýdany Úlken aýyly mańynda qýattylyǵy 2–2,8 GVt bolatyn atom elektr stantsiiasyn salý máselesi talqylanyp jatyr.
