Qazaqstannyń Energetika ministri Almasadam Sátqaliev atom elektr stantsiialarynda jumys isteitin mamandardy daiarlaý úshin kolledjder bazasynda jańa mamandyqtar ashylatynyn málimdedi, dep habarlaidy Dalanews.kz.
Olardyń qatarynda dozimetrist mamandary men bý týrbinalyq jabdyqtardy jóndeitin slesarlar bar.
Mamandardy daiarlaý úshin eldegi 40 joǵary oqý orny men 215 kolledj qatysady. 2030 jylǵa qarai shamamen 5 myń adam jumysqa ornalasady dep josparlansa, AES qurylysyndaǵy eń qarqyndy kezeń – 2032 jyly bul kórsetkish 10 myń mamanǵa deiin jetpek.
Aita keteiik, buǵan deiin Memleket basshysy qabyldaýynda bolǵan Energetika ministri Almasadam Sátqalievke atom elektr stantsiiasynyń qurylysyn jedeldetýdiń mańyzyn túsindirgen edi. Ministrge jýrnalister qaýymy kópti alańdatqan “Qazaqstanda AES-ti kim salady” degen suraqty taǵy qoiyp kórdi.
"Úkimet janynan qurylǵan atom elektr stantsiiasyn salý máselesi jónindegi arnaiy komissiia óz jumysyn jedeldetedi, al konsortsiýmǵa qatysýshylar boiynsha sheshim 2025 jyldyń birinshi jartysynda qabyldanady", — dedi bul rette ministr qysqa qaiyryp.
Eske salaiyq, Almaty oblysy Jambyl aýdany Úlken aýyly mańynda qýattylyǵy 2–2,8 GVt bolatyn atom elektr stantsiiasyn salý máselesi talqylanyp jatyr.
Ministrlik ókilderiniń málimetinshe, iadrolyq tehnologiia jetkizýshi áleýetti kompaniialarmen kelissózder júrgizilip jatyr. Sonymen qatar usynystardy básekelestik negizde qarastyratyn úkimetaralyq komissiia qurylǵan.
“Balamaly jáne jańartylatyn energiia kózderin, sondai-aq gaz generatsiiasyn engizý elektr energiiasyn tutynýdaǵy kómir generatsiiasynyń úlesin aitarlyqtai azaitýǵa múmkindik beredi”, – delingen QR Energetika ministrligi taratqan habarlamada.
Jospar boiynsha, 2035 jylǵa qarai kómirqyshqyl gazy qaldyqtaryn jylyna 44 mln tonnaǵa azaitý kózdelgen.
“Qazirgi tańda energiia kózderi shtattyq rejimde jumys istep tur, al jylytý maýsymy turaqty túrde ótip jatyr. Júzege asyrylyp jatqan barlyq joba alǵashqy resýrstarmen jetkilikti deńgeide qamtamasyz etilgen”, – dep tolyqtyrdy vedomstvo.
Aita keteiik, 2 qyrkúiekte Qasym-Jomart Toqaev Qazaqstanda atom elektr stantsiiasyn salý boiynsha referendým ótkizý týraly Jarlyqqa qol qoidy.
Al referendým boiynsha daýys berý 6 qazanda ótti. Bul rette AES salýdy daýys bergenderdiń 71,12 paiyzy qoldady. Referendýmǵa daýys berý tizimine 12,3 millionǵa jýyq qazaqstandyq engizilgen.
Buǵan deiin Toqaev sheteldik investorlar keńesiniń 36-shy plenarlyq otyrysynda Qazaqstan AES qurylysy úshin halyqaralyq konsortsiým qurý máselesin pysyqtap jatqanyn málimdegen edi.
“Bizdiń elimiz iadrolyq otyn tsikli aiaqtalǵan derlik álemdegi eń iri ýran óndirýshi sanalady. Ózderińiz de biletindei, jaqynda ótken jalpyulttyq referendýmda Qazaqstanda alǵashqy atom elektr stantsiiasynyń qurylysy maquldandy. Bul bizdiń energetikalyq qaýipsizdigimizge uzaq merzimdi investitsiia sanalady. Qazirgi ýaqytta biz osy joba úshin halyqaralyq konsortsiým qurý máselesin pysyqtap jatyrmyz”, — dedi Qasym-Jomart Toqaev.
Qazaqstan yqtimal tehnologiia jetkizýshisi retinde tórt kompaniiany qarastyryp jatyr. Olar, reseilik "Rosatom", Qytaidyń CNNC, Koreianyń KHNP jáne Frantsiianyń EDF kompaniialary.
