قازاقستاننىڭ ەنەرگەتيكا مينيسترٸ الماسادام سەتقاليەۆ اتوم ەلەكتر ستانتسييالارىندا جۇمىس ٸستەيتٸن مامانداردى دايارلاۋ ٷشٸن كوللەدجدەر بازاسىندا جاڭا ماماندىقتار اشىلاتىنىن مەلٸمدەدٸ, دەپ حابارلايدى Dalanews.kz.
ولاردىڭ قاتارىندا دوزيمەتريست ماماندارى مەن بۋ تۋربينالىق جابدىقتاردى جٶندەيتٸن سلەسارلار بار.
مامانداردى دايارلاۋ ٷشٸن ەلدەگٸ 40 جوعارى وقۋ ورنى مەن 215 كوللەدج قاتىسادى. 2030 جىلعا قاراي شامامەن 5 مىڭ ادام جۇمىسقا ورنالاسادى دەپ جوسپارلانسا, اەس قۇرىلىسىنداعى ەڭ قارقىندى كەزەڭ – 2032 جىلى بۇل كٶرسەتكٸش 10 مىڭ مامانعا دەيٸن جەتپەك.
ايتا كەتەيٸك, بۇعان دەيٸن مەملەكەت باسشىسى قابىلداۋىندا بولعان ەنەرگەتيكا مينيسترٸ الماسادام سەتقاليەۆكە اتوم ەلەكتر ستانتسيياسىنىڭ قۇرىلىسىن جەدەلدەتۋدٸڭ ماڭىزىن تٷسٸندٸرگەن ەدٸ. مينيسترگە جۋرناليستەر قاۋىمى كٶپتٸ الاڭداتقان “قازاقستاندا اەس-تٸ كٸم سالادى” دەگەن سۇراقتى تاعى قويىپ كٶردٸ.
"ٷكٸمەت جانىنان قۇرىلعان اتوم ەلەكتر ستانتسيياسىن سالۋ مەسەلەسٸ جٶنٸندەگٸ ارنايى كوميسسييا ٶز جۇمىسىن جەدەلدەتەدٸ, ال كونسورتسيۋمعا قاتىسۋشىلار بويىنشا شەشٸم 2025 جىلدىڭ بٸرٸنشٸ جارتىسىندا قابىلدانادى", — دەدٸ بۇل رەتتە مينيستر قىسقا قايىرىپ.
ەسكە سالايىق, الماتى وبلىسى جامبىل اۋدانى ٷلكەن اۋىلى ماڭىندا قۋاتتىلىعى 2–2,8 گۆت بولاتىن اتوم ەلەكتر ستانتسيياسىن سالۋ مەسەلەسٸ تالقىلانىپ جاتىر.
مينيسترلٸك ٶكٸلدەرٸنٸڭ مەلٸمەتٸنشە, يادرولىق تەحنولوگييا جەتكٸزۋشٸ ەلەۋەتتٸ كومپانييالارمەن كەلٸسسٶزدەر جٷرگٸزٸلٸپ جاتىر. سونىمەن قاتار ۇسىنىستاردى بەسەكەلەستٸك نەگٸزدە قاراستىراتىن ٷكٸمەتارالىق كوميسسييا قۇرىلعان.
“بالامالى جەنە جاڭارتىلاتىن ەنەرگييا كٶزدەرٸن, سونداي-اق گاز گەنەراتسيياسىن ەنگٸزۋ ەلەكتر ەنەرگيياسىن تۇتىنۋداعى كٶمٸر گەنەراتسيياسىنىڭ ٷلەسٸن ايتارلىقتاي ازايتۋعا مٷمكٸندٸك بەرەدٸ”, – دەلٸنگەن قر ەنەرگەتيكا مينيسترلٸگٸ تاراتقان حابارلامادا.
جوسپار بويىنشا, 2035 جىلعا قاراي كٶمٸرقىشقىل گازى قالدىقتارىن جىلىنا 44 ملن تونناعا ازايتۋ كٶزدەلگەن.
“قازٸرگٸ تاڭدا ەنەرگييا كٶزدەرٸ شتاتتىق رەجيمدە جۇمىس ٸستەپ تۇر, ال جىلىتۋ ماۋسىمى تۇراقتى تٷردە ٶتٸپ جاتىر. جٷزەگە اسىرىلىپ جاتقان بارلىق جوبا العاشقى رەسۋرستارمەن جەتكٸلٸكتٸ دەڭگەيدە قامتاماسىز ەتٸلگەن”, – دەپ تولىقتىردى ۆەدومستۆو.
ايتا كەتەيٸك, 2 قىركٷيەكتە قاسىم-جومارت توقاەۆ قازاقستاندا اتوم ەلەكتر ستانتسيياسىن سالۋ بويىنشا رەفەرەندۋم ٶتكٸزۋ تۋرالى جارلىققا قول قويدى.
ال رەفەرەندۋم بويىنشا داۋىس بەرۋ 6 قازاندا ٶتتٸ. بۇل رەتتە اەس سالۋدى داۋىس بەرگەندەردٸڭ 71,12 پايىزى قولدادى. رەفەرەندۋمعا داۋىس بەرۋ تٸزٸمٸنە 12,3 ميلليونعا جۋىق قازاقستاندىق ەنگٸزٸلگەن.
بۇعان دەيٸن توقاەۆ شەتەلدٸك ينۆەستورلار كەڭەسٸنٸڭ 36-شى پلەنارلىق وتىرىسىندا قازاقستان اەس قۇرىلىسى ٷشٸن حالىقارالىق كونسورتسيۋم قۇرۋ مەسەلەسٸن پىسىقتاپ جاتقانىن مەلٸمدەگەن ەدٸ.
“بٸزدٸڭ ەلٸمٸز يادرولىق وتىن تسيكلٸ اياقتالعان دەرلٸك ەلەمدەگٸ ەڭ ٸرٸ ۋران ٶندٸرۋشٸ سانالادى. ٶزدەرٸڭٸز دە بٸلەتٸندەي, جاقىندا ٶتكەن جالپىۇلتتىق رەفەرەندۋمدا قازاقستاندا العاشقى اتوم ەلەكتر ستانتسيياسىنىڭ قۇرىلىسى ماقۇلداندى. بۇل بٸزدٸڭ ەنەرگەتيكالىق قاۋٸپسٸزدٸگٸمٸزگە ۇزاق مەرزٸمدٸ ينۆەستيتسييا سانالادى. قازٸرگٸ ۋاقىتتا بٸز وسى جوبا ٷشٸن حالىقارالىق كونسورتسيۋم قۇرۋ مەسەلەسٸن پىسىقتاپ جاتىرمىز”, — دەدٸ قاسىم-جومارت توقاەۆ.
قازاقستان ىقتيمال تەحنولوگييا جەتكٸزۋشٸسٸ رەتٸندە تٶرت كومپانييانى قاراستىرىپ جاتىر. ولار, رەسەيلٸك "روساتوم", قىتايدىڭ CNNC, كورەيانىڭ KHNP جەنە فرانتسييانىڭ EDF كومپانييالارى.
