Biyl tórt aida esirtki qylmysy úshin 76 shetel azamaty ustaldy, dep habarlaidy dalanews.kz.
Olardyń 23-i esirtki satqany úshin, úsheýi asa iri kólemde esirtki saqtaǵany úshin, 29-y kontrabanda úshin ustalǵan. Sondai-aq, esirtki ósirý, jarnamalaý jáne nasihattaý derekteri anyqtalǵan.
"Halyqaralyq yntymaqtastyq aiasynda shet memleketterdiń birinde izdeýde júrgen shetel azamaty ustaldy. Ol Qaraǵandy qalasynda sintetikalyq esirtki óndirý jumysyn qashyqtan uiymdastyrǵan. Astanada jaldamaly páterde Eýropa elderiniń biriniń 32 jastaǵy azamaty quryqtaldy. Ol esirtki jasyrýmen ainalysqan. Odan 1,5 keli sintetikalyq jáne kannabis túrindegi esirtki tárkilendi. Almaty qalasynda Shyǵys Eýropa elderiniń biriniń 44 jastaǵy azamaty ustalyp, odan 1,2 keli "A-PVP" sintetikalyq esirtkisi tárkilendi. Aqtaý qalasynda kórshi memleketterdiń biriniń 21 jastaǵy azamaty ustaldy. Kúdikti esirtkini jasyrý ádisimen taratqan. 30 gramm mefedron ainalymǵa jiberilmedi", - dedi IIM esirtki qylmysyna qarsy is-qimyl komiteti tóraǵasynyń orynbasary Eldar Ábdikenov.
