بيىل تٶرت ايدا ەسٸرتكٸ قىلمىسى ٷشٸن 76 شەتەل ازاماتى ۇستالدى, دەپ حابارلايدى dalanews.kz.
ولاردىڭ 23-ٸ ەسٸرتكٸ ساتقانى ٷشٸن, ٷشەۋٸ اسا ٸرٸ كٶلەمدە ەسٸرتكٸ ساقتاعانى ٷشٸن, 29-ى كونتراباندا ٷشٸن ۇستالعان. سونداي-اق, ەسٸرتكٸ ٶسٸرۋ, جارنامالاۋ جەنە ناسيحاتتاۋ دەرەكتەرٸ انىقتالعان.
"حالىقارالىق ىنتىماقتاستىق اياسىندا شەت مەملەكەتتەردٸڭ بٸرٸندە ٸزدەۋدە جٷرگەن شەتەل ازاماتى ۇستالدى. ول قاراعاندى قالاسىندا سينتەتيكالىق ەسٸرتكٸ ٶندٸرۋ جۇمىسىن قاشىقتان ۇيىمداستىرعان. استانادا جالدامالى پەتەردە ەۋروپا ەلدەرٸنٸڭ بٸرٸنٸڭ 32 جاستاعى ازاماتى قۇرىقتالدى. ول ەسٸرتكٸ جاسىرۋمەن اينالىسقان. ودان 1,5 كەلٸ سينتەتيكالىق جەنە كاننابيس تٷرٸندەگٸ ەسٸرتكٸ تەركٸلەندٸ. الماتى قالاسىندا شىعىس ەۋروپا ەلدەرٸنٸڭ بٸرٸنٸڭ 44 جاستاعى ازاماتى ۇستالىپ, ودان 1,2 كەلٸ "A-PVP" سينتەتيكالىق ەسٸرتكٸسٸ تەركٸلەندٸ. اقتاۋ قالاسىندا كٶرشٸ مەملەكەتتەردٸڭ بٸرٸنٸڭ 21 جاستاعى ازاماتى ۇستالدى. كٷدٸكتٸ ەسٸرتكٸنٸ جاسىرۋ ەدٸسٸمەن تاراتقان. 30 گرامم مەفەدرون اينالىمعا جٸبەرٸلمەدٸ", - دەدٸ ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى ەلدار ەبدٸكەنوۆ.
