Energetikalyq jáne kommýnaldyq sektorlardy jańǵyrtýdyń Ulttyq jobasy sheńberinde memleket tarifterdiń ósimin tejep ustaý úshin alynǵan zaemdar boiynsha paiyzdyq mólsherlemeniń bir bóligin sýbsidiialaidy. Bul týraly Úkimette ótken baspasóz máslihatynda Tabiǵi monopoliialardy retteý komitetiniń tóraǵasy Timýr Qosymbaev málimdedi, dep habarlaidy Dalanews.kz.
"Tarifterdegi ózgeriske kelsek, ulttyq joba boiynsha sýbsidiialaý tetikteri qarastyrylǵan, iaǵni zaem túrinde tartylǵan qarajat tarifke engiziledi, negizgi borysh jáne paiyzdyq mólsherlemege salynatyn syiaqy boiynsha. Biraq tarifke qysymdy tómendetý úshin respýblikalyq biýdjetten beriletin sýbsidiialar syiaqy mólsherlemesiniń bir bóligin jabatyn bolady, iaǵni nesiedegi syiaqynyń 10% - y tarifke engiziletin bolady. Al joǵaryda aitylǵandar memleket tarapynan sýbsidiialanatyn bolady. Osylaisha, biz tariftiń kúrt ósimin tejep, teńestirip ustaimyz. Jalpy, kelesi jylǵa arnalǵan jospar boiynsha tarifter 20-30%-ǵa ósedi", - dep atap ótti ol.
Buǵan deiin Qanat Bozymbaev halyqtyń áleýmettik osal toptaryn kommýnaldyq qyzmetter tarifteriniń kúrt ósiminen qorǵaý úshin qandai sharalar qarastyrylǵanyn aityp bergen bolatyn.
