NOAA derekterine sáikes, jeltoqsanda La-Ninia qubylysy áli de jalǵasyp jatyr. Pavlov analytics telegram arnasy onyń klimatqa, aýyl sharýashylyǵyna jáne sý resýrstaryna yqtimal áseri jónindegi qysqasha boljam jasaǵan, dep habarlaidy Dalanews.kz.
2025/26 jylǵy qys
Eldiń soltústik-shyǵysy men shyǵys aimaqtarynda arktikalyq sýyqtyń jii bolady. Kúsheigen Sibir antitsiklony uzaqqa sozylatyn aiaz alyp kelýi ábden múmkin.
Ońtústik, batys jáne ortalyq óńirlerde jaýyn-shashyn mólsheri normadan tómen bolady dep boljansa, Altaida, kerisinshe, qardyń mol túsýi yqtimal.
Qaýipter: energetikalyq júiege túsetin júktemeniń artýy, infraqurylymnyń muz basýy, mal sharýashylyǵy úshin qolaisyz jaǵdailar.
2026 jylǵy kóktem
La-Ninia álsiregen kúnniń ózinde onyń áseri naýryz–sáýir ailaryna deiin saqtalýy múmkin.
Bul ásirese Qazaqstannyń ońtústigi men batysynda jyly ári qurǵaq kóktem bolý yqtimaldyǵyn arttyrady.
Shyǵys óńirler men Soltústik Qazaqstanda qar jamylǵysynyń tez erýi sýdyń erte ketýine jáne egis naýqany bastalǵanǵa deiin-aq ylǵal tapshylyǵyna alyp kelýi yqtimal.
Shańdy daýyldar bolýy, jaiylymdardyń jaǵdaiy nasharlaýy múmkin.
2026 jylǵy jaz
Tarihi derekterge súiensek, La-Niniadan keiin Ortalyq Aziiada, ENSO beitarap kezeńge ótse de, jaz ádette ystyq ári qurǵaq bolady.
Soǵan bailanysty orman jáne dala órtteriniń qaýpi kúsheiedi (Qostanai, Pavlodar, Abai, Ulytaý, Shyǵys Qazaqstan oblystary).
Maýsym–tamyz ailarynda jaýyn-shashyn mólsheri normadan tómen bolýy múmkin, bul eginshilik basym óńirlerde jazdyq bidaidyń ónimdiligi tómendeý qaýpin arttyrady. Qyzylorda, Túrkistan jáne Jambyl oblystarynda sý tapshylyǵynyń kúsheiý yqtimaldyǵy joǵary.
Sarapshylar bul naqty boljam emes ekenin,tek resmi aqparatqa ǵana sený keregin atap ótti.
