Ulttyq bank 2025 jyldyń birinshi jartyjyldyǵynyń nátijeleri boiynsha tólem qyzmetteri naryǵynyń damýyna sholý jasady. Mamandar bul arada kózge túsetin birneshe negizgi qubylysty atap ótti. Birinshi kezekte, Ulttyq Banktiń tólem júieleri arqyly júrgizilgen operatsiialardyń turaqty ósiminiń saqtalýyna basa nazar aýdara ketelik. Máselen, ótken jyldyń sáikes kezeńimen salystyrǵanda ulttyq tólem júielerindegi tranzaktsiialar sany 34,3 -ǵa, al kólemi 9,2%-ǵa ósti, dep habarlaidy Dalanews.kz QR Ulttyq Banktiń baspasóz qyzmetine silteme jasap.
Orta eseppen bir operatsiialyq kúnde QR UB tólem júieleri arqyly 6,3 trln teńge somaǵa operatsiialar júrgizildi. Tólem kartochkalary men elektrondyq banktik qyzmetter naryǵynda internet pen mobildi bankingti paidalaný, ásirese QR-kod arqyly taýarlar men qyzmetterge aqy tóleý boiynsha halyq tarapynan suranystyń turaqty ósimi baiqalady. 10 tranzaktsiianyń 8-i atalǵan bankterdiń onlain-servisterin paidalana otyryp júrgizilgen.
Halyqaralyq aqsha aýdarymdarynyń júieleri halyqtyń shetelge aqsha jiberýi jáne shetelden aqsha alýy úshin suranysqa ie birden bir ádis bolyp tabylady. Sońǵy úsh jylda shetelge jiberilgen jáne shetelden alynǵan aýdarymnyń ortasha somasy tiisinshe 12%-ǵa jáne 25%-ǵa ulǵaiǵany baiqalady.
Tutastai alǵanda, 2025 jyldyń birinshi jartyjyldyǵynda Ulttyq Banktiń tólem júieleri (BAAJ jáne BKJ) arqyly 746,0 trln teńgege 54,6 mln tólem júrgizildi, bul 2024 jyldyń uqsas kezeńimen salystyrǵanda sany men kólemi jaǵynan tiisinshe 34,3%-ǵa (14,0 mln teńgege) jáne 9,2%-ǵa (62,8 trln teńgege) kóp. Ortasha alǵanda bir operatsiialyq kúnde tólem júieleri arqyly 6,3 trln teńgege 462,8 myń tranzaktsiia júrgizildi, al 2024 jylǵy birinshi jartyjyldyqta – 5,6 trln teńgege 336,1 myń tólem júrgizildi.
2025 jylǵy I jartyjyldyqtyń nátijesi boiynsha shet elge HAAJ arqyly jiberilgen aqsha aýdarymdary 321,2 mlrd teńgede 805,0 myń tranzaktsiia boldy. Aýdarym kólemi 2024 jylǵy osy kezeńmen salystyrǵanda 16,3%-ǵa tómendep, 2020 jylǵy birinshi jartyjyldyqtaǵy deńgeige jaqyndady.
2025 jyldyń I jartyjyldyǵynda negizgi aqsha aýdarymdary myna elderden tústi: Resei Federatsiiasy – 24,0%, AQSh – 14,9%, Ózbekstan – 10,3%, Túrkiia – 9,5% jáne Germaniia – 7,7% jalpy alynǵan aýdarymdardyń kóleminen. Shet elden alynǵan aýdarymdar kóleminiń azaiýy negizinen Reseiden (26%-ǵa nemese 8,82 mlrd teńgege) jáne Koreia Respýblikasynan (40%-ǵa nemese 5,46 mlrd teńgege) kelip túsetin aýdarymdardyń tómendeýine bailanysty boldy.
2025 jyldyń birinshi jartyjyldyǵynda tólem uiymdarynyń servisi arqyly ainalym 4,6 trln teńgeni qurady, bul 2024 jyldyń uqsas kezeńimen salystyrǵanda 22,3%-ǵa artyq (3,8 trln teńge). Bul rette ainalymnyń 72%- dan astamy 20 uiymǵa tiesili.
Ulttyq Bank 2020 jyly "QR Ulttyq Bankiniń Ulttyq tólem korporatsiiasy" AQ negizinde Sáikestendirý derekterimen almasý ortalyǵyn (SDAO) iske qosty. SDAO negizgi maqsaty – qarjy naryǵyna qatysýshylar men ózge de uiymdar qashyqtan qyzmet kórsetken kezde klientterdi tiisinshe tekserý sharalaryn júrgizýge járdemdesý jáne azamattardyń derekterin qaýipsiz ustaý. SDAO klienttiń biometriialyq derekterin Memlekettik derekter bazasyndaǵy aqparatpen salystyrý negizinde jumys isteidi jáne qarjy uiymdaryna (bankter, saqtandyrý kompaniialary, mikroqarjy uiymdary, tólem uiymdary) qashyqtan keń aýqymdy qyzmetter usynýǵa múmkindik beredi, ol: bank shottary men salymdaryn ashý, tólem kartalaryn shyǵarý, kreditteý jáne klienttik dose júrgizý jáne t.b. Klient kelisim bergen jaǵdaida ǵana olardyń derekterine qol jetkizýge múmkindik bolady. Bul derbes derekter týraly zańnamanyń talaptaryna sáikes keledi. Iske qosylǵan sátten bastap SDAO qyzmetin paidalaný dinamikasy onyń suranysqa ie ekenin jáne turaqty ósim kórsetip otyrǵanyn dáiekteidi: 2020 jyly 3,9 millionnan astam operatsiia júrgizilse, 2024 jyly olardyń sany 31,4 millionǵa jetti. 2025 jylǵy birinshi jartyjyldyqta SDAO servisi arqyly 23,5 mln biometriialyq sáikestendirý operatsiiasy júrgizildi. Ol 2024 jylǵy sáikes kezeńmen salystyrǵanda 1,6 ese kóp (14,4 mln operatsiia). Bul ósim qarjy naryǵyn tsifrlandyrýda jáne qarjy uiymdary qashyqtan qyzmet kórsetken kezde klientterdiń jeke basyn senimdi sáikestendirýdi qamtamasyz etýde SDAO róliniń artyp kele jatqanyn kórsetedi
2025 jylǵy 1 shildedegi jaǵdai boiynsha Antifrod-ortalyq sheńberinde 65 myńnan astam intsident tirkeldi, nátijesinde 2,3 milliard teńgeden astam somaǵa alaiaqtyq tranzaktsiialar der kezinde buǵattaldy, onyń ishinde 1,7 milliard teńgeden astamy jóneltýshi banktiń jaǵynda aldyn ala buǵattaldy, 642 million teńge – alýshy bank. 255 million teńge zardap shekkenderge óz erkimen qaitaryldy.
Buǵan deiin Ulttyq investitsiialyq korporatsiiasy bazasynda memlekettik kriptoqor qurý boiynsha jumystar júrgizilip jatqany habarlanǵan. Daiyndyq jumystary 2025 jyldyń sońyna qarai aiaqtalyp, tsifrlyq aktivterdiń memqory 2026 jyldyń basynda iske qosylyp qalady dep boljanady.
