Búgin «Óner ortalyǵynda» «Qazaqstan Ulttyq Ýrban Forýmy 2025 - Qyzylorda» forýmynyń qorytyndy plenarlyq sessiiasy ótti,- dep habarlaidy Dalanews.kz
Oǵan Birikken Ulttar Uiymynyń UN-Habitat Uiymy, BUU-nyń Qazaqstandaǵy ókilderi, QR Parlamenti Májilisiniń depýtattary, QR Ekologiia jáne tabiǵi resýrstar ministri Erlan Nysanbaev qatysty.
Aimaq basshysy Nurlybek Mashbekuly forýmnyń mańyzdylyǵyna toqtalyp, barsha qatysýshylarǵa alǵysyn bildirdi.
«Kez kelgen memlekettiń áleýmettik-ekonomikalyq damýy qalalardyń órkendeýimen tikelei bailanysty. Al, oǵan áser etetin birden-bir faktor – ýrbandalý protsesi. Turǵyndarymyzdyń ál-aýqatyn arttyrý, jaily keńistik qalyptastyrý, ekologiialyq taza orta qurý, infraqurylymdy turaqty jańǵyrtý, qalalardy jańa tehnologiialardyń kómegimen basqarý – bizdiń aldymyzdaǵy mańyzdy mindetter. Bul rette tiimdi basqarý men durys jobalaýdyń nátijesinde ǵana turaqty damý maqsattaryna qol jetkize alamyz.
Búgingi forým – óńirlerdiń turaqty damýyna oń serpin berýdegi, ýrbanistika salasyn jańa deńgeige shyǵarýdaǵy, ortaq maqsattarǵa qol jetkizýdegi mańyzdy qadam. Forýmda aitylǵan tyń ideialar men mazmundy usynys-pikirler aldaǵy jumys barysynda tiimdi sheshimder qabyldaýǵa múmkindik beretinine senimdimiz.
Búgingi forýmnyń bas demeýshisi «Kazpetrol Grýpp» kompaniiasyna zor alǵysymyzdy bildiremiz.
Táýelsiz Qazaqstannyń kemel keleshegi jolyndaǵy árbir bastamalaryńyz jemisti, qyzmetterińiz nátijeli bolsyn!Egemen elimizdi básekege qabiletti etýde, turǵyndarymyzdyń ómir súrý sapasyn arttyrýda Prezidentimizdiń tapsyrmalaryn joǵary deńgeide oryndap, halyqtyń zor qurmetine bólene bergeisizder! El irgesi berik, Táýelsizdigimiz tuǵyrly bolǵai!»,- dedi N.Nálibaev.
Qorytyndy sessiiada QR Ekologiia jáne tabiǵi resýrstar ministri, Qazaqstandaǵy Birikken Ulttar Uiymynyń turaqty úilestirýshisi óz pikirlerin ortaǵa saldy. UN-Habitat uiymynyń atqarýshy direktorynyń orynbasary Rafael Týts qorytyndy sóz sóiledi.
Sońynda Qyzylorda oblysy men UN-Habitat uiymy arasynda deklaratsiiaǵa qol qoiý rásimi ótti.
