Qazaqstan Úkimetin kimder basqardy?

Qazaqstan Respýblikasynyń Premer-Ministri — Qazaqstan Respýblikasy Konstitýtsiiasyna sáikes atqarýshy biliktiń (Úkimet) basshysy. Atqarýshy organdardyń júiesin basqarady jáne olardyń qyzmetine basshylyq jasaidy. Ol óziniń búkil qyzmetinde Respýblika Prezidentiniń aldynda jaýapty, al Konstitýtsiiada kózdelgen jaǵdailarda Parlament Májilisiniń jáne Parlamenttiń aldynda jaýapty.

1991-1994 jyldar aralyǵynda Qazaqstan Respýblikasynyń Premer-Ministri qyzmetin memleket jáne qoǵam qairatkeri Sergei Aleksandrovich Tereshenko atqardy.

Ákejan Maǵjanuly Qajygeldin — Qazaqstannyń 1994-1997 jyldar aralyǵyndaǵy Premer-ministri, oppozitsioner.

Balǵymbaev Nurlan Ótepuly (20 qarasha 1947 jyl Atyraý — 14 qazan, 2015 jyl, Atyraý) — memleket qairatkeri. Qazaqstan Respýblikasynyń Premer-Ministri qyzmetin 1997-1999 jyldar aralyǵynda atqarǵan.

Qasym-Jomart Kemeluly Toqaev (17.06.1953 Almaty) — memleket jáne qoǵam qairatkeri, Qazaqstan Respýblikasy Parlamenti Senatynyń Tóraǵasy. QR Premer-Ministri qyzmetin 199-2001 jyldar aralyǵynda atqarǵan. Saiasi ǵylymdar doktory Qasym-Jomart Toqaev 13 jyl boiy Qazaqstannyń Ústel tennisi federatsiiasynyń Prezidenti boldy. Qazirgi tańda Federatsiia jumysyna Qamqorshylyq keńesiniń Tóraǵasy retinde atsalysýda.

Imanǵali Nurǵaliuly Tasmaǵambetov — Qazaqstan Respýblikasynyń memleket jáne qoǵam qairatkeri, Qazaqstan Respýblikasynyń 5-nshi Premer-Ministri (2001-2003). I. Tasmaǵambetov 2008 jyldyń 4 sáýirinen bastap 2014 jyldyń 22 qazanǵa deiin Astana qalasynyń ákimi retinde qyzmet etti. Qazirgi tańda QR Qorǵanys ministri bolyp taǵaiyndaldy.

Danial Kenjetaiuly Ahmetov — Shyǵys Qazaqstan oblysy ákimi, saiasi qairatker, ekonomika ǵylymdarynyń doktory (2003). QR Premer-Ministri qyzmetin 2003-2007 jyldar aralyǵynda atqarǵan.

Serik Nyǵmetuly Ahmetov (25 maýsym 1958, Temirtaý qalasy, Qaraǵandy oblysy, Qazaqstan) — Qazaqstan Respýblikasynyń segizinshi Premer-Ministri. Úkimet basshylyǵynda Serik Nyǵmetuly 2012-2014 jyldar aralyǵynda otyrǵan.

Másimov Kárim Qajymqanuly — 2014 jyldyń 7 sáýirinen bastap QR Úkimeti basshysy, Qazaqstan Respýblikasysynyń Premer-Ministri (2007 — 2012), memleket qairatkeri. Mamandyǵy boiynsha qarjyger, zańger, qytaitanýshy, ekonomika ǵylymdarynyń doktory.

Baqytjan Ábdiruly Saǵyntaev — 2016 jyldyń 9 qyrkúiekten bastap QR Úkimeti basshysy. Tabiǵi monopoliialar salasyn memlekettik retteý, shaǵyn jáne orta biznesti damytý taqyryptaryna arnalǵan birqatar ǵylymi jumystyń avtory.

2012 jyldyń 24 qyrkúiek kúni Kárim Másimov Úkimet basshysy retinde jumystan ketetindigi týraly aryzyn berdi. Prezident N.Nazarbaev ótinishti qabyldady. Sol kúni M.Másimov Prezident Ákimshiliginiń Basshysy retinde taǵaiyndaldy. 2014 jyldyń 7 sáýirinen Qazaqstan Respýblikasynyń Prezidenti jarlyǵymenen Qazaqstan premer-ministri bolyp taǵaiyndalady.

2016 jyldyń 8 qyrkúieginde QR Prezidenti N. Nazarbaev «Kárim Qajymqanuly Másimov Qazaqstan Respýblikasy Ulttyq qaýipsizdik komitetiniń Tóraǵasy bolyp taǵaiyndalsyn, ol Qazaqstan Respýblikasynyń Premer-Ministri qyzmetinen bosatylsyn» degen Jarlyqqa qol qoidy.