قازاقستان رەسپۋبليكاسىنىڭ پرەمەر-مينيسترى — قازاقستان رەسپۋبليكاسى كونستيتۋسياسىنا سايكەس اتقارۋشى بيلىكتىڭ (ۇكىمەت) باسشىسى. اتقارۋشى ورگانداردىڭ جۇيەسىن باسقارادى جانە ولاردىڭ قىزمەتىنە باسشىلىق جاسايدى. ول ءوزىنىڭ بۇكىل قىزمەتىندە رەسپۋبليكا پرەزيدەنتىنىڭ الدىندا جاۋاپتى، ال كونستيتۋسيادا كوزدەلگەن جاعدايلاردا پارلامەنت ءماجىلىسىنىڭ جانە پارلامەنتتىڭ الدىندا جاۋاپتى.

1991-1994 جىلدار ارالىعىندا قازاقستان رەسپۋبليكاسىنىڭ پرەمەر-مينيسترى قىزمەتىن مەملەكەت جانە قوعام قايراتكەرى سەرگەي الەكساندروۆيچ تەرەششەنكو اتقاردى.

اكەجان ماعجان ۇلى قاجىگەلدين — قازاقستاننىڭ 1994-1997 جىلدار ارالىعىنداعى پرەمەر-مينيسترى، وپپوزيسيونەر.

بالعىمبايەۆ نۇرلان وتەپ ۇلى (20 قاراشا 1947 جىل اتىراۋ — 14 قازان، 2015 جىل، اتىراۋ) — مەملەكەت قايراتكەرى. قازاقستان رەسپۋبليكاسىنىڭ پرەمەر-مينيسترى قىزمەتىن 1997-1999 جىلدار ارالىعىندا اتقارعان.

قاسىم-جومارت كەمەل ۇلى توقايەۆ (17.06.1953 الماتى) — مەملەكەت جانە قوعام قايراتكەرى، قازاقستان رەسپۋبليكاسى پارلامەنتى سەناتىنىڭ ءتوراعاسى. ق ر پرەمەر-مينيسترى قىزمەتىن 199-2001 جىلدار ارالىعىندا اتقارعان. ساياسي عىلىمدار دوكتورى قاسىم-جومارت توقايەۆ 13 جىل بويى قازاقستاننىڭ ۇستەل تەننيسى فەدەراسياسىنىڭ پرەزيدەنتى بولدى. قازىرگى تاڭدا فەدەراسيا جۇمىسىنا قامقورشىلىق كەڭەسىنىڭ ءتوراعاسى رەتىندە اتسالىسۋدا.

يمانعالي نۇرعالي ۇلى تاسماعامبەتوۆ — قازاقستان رەسپۋبليكاسىنىڭ مەملەكەت جانە قوعام قايراتكەرى، قازاقستان رەسپۋبليكاسىنىڭ 5ء-نشى پرەمەر-مينيسترى (2001-2003). ي. تاسماعامبەتوۆ 2008 جىلدىڭ 4 ساۋىرىنەن باستاپ 2014 جىلدىڭ 22 قازانعا دەيىن استانا قالاسىنىڭ اكىمى رەتىندە قىزمەت ەتتى. قازىرگى تاڭدا ق ر قورعانىس ءمينيسترى بولىپ تاعايىندالدى.

دانيال كەنجەتاي ۇلى احمەتوۆ — شىعىس قازاقستان وبلىسى اكىمى، ساياسي قايراتكەر، ەكونوميكا عىلىمدارىنىڭ دوكتورى (2003). ق ر پرەمەر-مينيسترى قىزمەتىن 2003-2007 جىلدار ارالىعىندا اتقارعان.

سەرىك نىعمەت ۇلى احمەتوۆ (25 ماۋسىم 1958، تەمىرتاۋ قالاسى، قاراعاندى وبلىسى، قازاقستان) — قازاقستان رەسپۋبليكاسىنىڭ سەگىزىنشى پرەمەر-مينيسترى. ۇكىمەت باسشىلىعىندا سەرىك نىعمەت ۇلى 2012-2014 جىلدار ارالىعىندا وتىرعان.

ءماسىموۆ كارىم قاجىمقان ۇلى — 2014 جىلدىڭ 7 ساۋىرىنەن باستاپ ق ر ۇكىمەتى باسشىسى، قازاقستان رەسپۋبليكاسىسىنىڭ پرەمەر-مينيسترى (2007 — 2012)، مەملەكەت قايراتكەرى. ماماندىعى بويىنشا قارجىگەر، زاڭگەر، قىتايتانۋشى، ەكونوميكا عىلىمدارىنىڭ دوكتورى.

باقىتجان ءابدىر ۇلى ساعىنتايەۆ — 2016 جىلدىڭ 9 قىركۇيەكتەن باستاپ ق ر ۇكىمەتى باسشىسى. تابيعي مونوپوليالار سالاسىن مەملەكەتتىك رەتتەۋ، شاعىن جانە ورتا بيزنەستى دامىتۋ تاقىرىپتارىنا ارنالعان ءبىرقاتار عىلىمي جۇمىستىڭ اۆتورى.

2012 جىلدىڭ 24 قىركۇيەك كۇنى كارىم ءماسىموۆ ۇكىمەت باسشىسى رەتىندە جۇمىستان كەتەتىندىگى تۋرالى ارىزىن بەردى. پرەزيدەنت ن.نازاربايەۆ ءوتىنىشتى قابىلدادى. سول كۇنى م.ءماسىموۆ پرەزيدەنت اكىمشىلىگىنىڭ باسشىسى رەتىندە تاعايىندالدى. 2014 جىلدىڭ 7 ساۋىرىنەن قازاقستان رەسپۋبليكاسىنىڭ پرەزيدەنتى جارلىعىمەنەن قازاقستان پرەمەر-مينيسترى بولىپ تاعايىندالادى.

2016 جىلدىڭ 8 قىركۇيەگىندە ق ر پرەزيدەنتى ن. نازاربايەۆ «كارىم قاجىمقان ۇلى ءماسىموۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى بولىپ تاعايىندالسىن، ول قازاقستان رەسپۋبليكاسىنىڭ پرەمەر-مينيسترى قىزمەتىنەن بوساتىلسىن» دەگەن جارلىققا قول قويدى.