Vitse-premer Serik Jumanǵarin Qazaqstan AQSh prezidenti Donald Tramp bastamashy bolǵan Beibitshilik keńesine qarjy aýdardy ma degen suraqqa jaýap berdi, dep habarlaidy Dalanews.kz.
Jumanǵarinniń aitýynsha, Qazaqstan ázirge bul qorǵa eshqandai tólem jasaǵan joq.
“Birinshiden, áli eshteńe tólegen joqpyz. [Aimaqtaǵy ahýaldy] turaqtandyrý aiasynda dárigerlerdi dalalyq gospitaldarmen birge jiberýge daiynbyz. Stýdentterge grant berýge ázirmiz. Azyq-túlikpen gýmanitarlyq kómek kórsetýge daiynbyz. Iaǵni, kómektiń basym bóligi osylai beriledi. Ol da baǵalanýy múmkin. Munda tsifr aityldy, ol sál solai beriledi degen sóz joq. Bul jan-jaqty kómek, basym bóligi gýmanitarlyq sipatta bolady”, - dedi ol májilis kýlýarynda.
Vitse-premer naqtylaýshy suraqqa “iá” nemese “joq” dep tikelei jaýap bermedi. Onyń aitýynsha, bul másele úkimet deńgeiinde áli talqylanbaǵan.
19 aqpanda AQSh prezidenti Donald Tramp Gaza sektoryna qatysty Beibitshilik keńesiniń biýdjetine toǵyz memleket 7 mlrd dollardan astam qarjy bólgenin málimdegen. Sol elderdiń qatarynda Qazaqstan da atalǵan.
Alaida jariialanǵan 7 mlrd dollardyń ishinde Qazaqstannyń naqty úlesi qansha bolýy múmkin ekeni ázirge belgisiz.
Buǵan deiin Aqorda Qazaqstan bul bastama aiasynda 1 mlrd dollar kóleminde jarna tólemegenin málimdegen.
