104 elde ár otbasynyń azyq-túlikke jumsaityn shyǵyndaryn únemi qadaǵalap otyratyn AQSh Aýyl sharýashylyǵy ministrliginiń zertteýinde Qazaqstan artta qalǵan on eldiń qataryna engizip, 96-oryndy iemdengen.
Ranking.kz júrgizgen zertteýge sáikes, qazaqstandyqtardyń tutyný shyǵyndarynyń jalpy qurylymyndaǵy tamaq ónimderiniń úlesi 44,9% qurady.
Bul reitingte Qazaqstan Ýganda (44,2%) men Kamerýn (45,3%) sekildi qos eldiń ortasyna qonjiǵan. Reitingte, tipti Kambodja, Gana, Gvatemala, Pákistan, Vetnam, Gondýras syndy elder de Qazaqstandy basyp ozǵan.
Aita ketý kerek, el neǵurlym damyǵan jáne bai bolsa, halyqtyń tamaqqa ketetin shyǵyndarynyń úlesi de azaiady.
Bul reitingte AQSh, Singapýr, Ulybritaniia, Irlandiia, Kanada, Shveitsariia, Avstraliia jáne Avstriia syndy memleketter kósh bastap tur, olardyń turǵyndary kiristeriniń 10% jeter-jetpes aqshasyn ǵana tamaqqa jumsaidy. Germaniia (10,7%) men Niderlandy da (11,4%) alǵashqy ondyqqa engen.
Qazaqstan Respýblikasynyń ishki derekteri de bul jaǵdaidy rastaidy. QR Ulttyq ekonomika ministrligi Statistika komitetiniń málimetteri boiynsha, 2019 jyldyń III-toqsanynda úi sharýashylyǵyna jumsalǵan shyǵystardyń jalpy somasy 569,6 myń teńgeni qurady, onyń 284,3 myń teńgesi nemese 49,9% tamaq ónimderine tiesili.
Sonymen birge, úi sharýashylyǵynyń jalpy shyǵystaryndaǵy tamaq ónimderiniń úlesi jyl saiyn birtindep ósip keledi, munyń ózi jaiǵaidyń búgin-erteń ońalatynyn baiqatpaidy.
2019 jyldyń III-toqsanyndaǵy azyq-túlik pen alkogolsiz sýsyndarda shyqqan tikelei shyǵyn kólemi 262,9 myń teńgeni qurady. Onyń kóp bóligi et jáne et ónimderine (35,4%), nan jáne jarma ónimderine (14,2%), sút ónimderine (9,9%), jemisterge (8,5%), qantqa, konditerlik ónimderge jáne táttilerge (7,5%) jumsalǵan.
Osylaisha, Qazaqstan halqynyń kópshiligi naqty kiristi eń qajetti taýarlar men qyzmetterge, sonyń ishinde eń aldymen azyq-túlikke jumsaýǵa májbúr. Nátijesinde, bul halyqtyń aqsha jinap, jaǵdai túzeýine múmkindik bermeidi.
