Endi Qazaqstanǵa syrttan bidai kirgizýge tyiym salynady. Buǵan deiin avtokólik, sý jáne temirjol arqyly ákelýge qatysty shekteý sharalary bar edi. Endi eshqandai kólikpen kirgizýge bolmaidy. Aldyńǵy tyiymdarǵa qaramastan, jarty jylda Reseiden 1,1 mln tonnadan astyq importtalǵan.
«Byltyrdan qalǵany bar, biyl eginniń bitik shyqqany bar — elevatorlardy jańa egindi qabyldap alýǵa daiyndaý úshin ári otandyq aýyl sharýashylyǵy óndirýshilerin qoldaý maqsatynda osyndai sheshim qabyldanyp otyr. Qazaqstan aýmaǵyna bidai importtaýǵa tolyqtai tyiym salynady» delingen Aýyl sharýashylyǵy ministrligi taratqan aqparatta.
Bul tyiym biyl 1 tamyzdan bastap kúshine enedi. Statistikaǵa qarasaq, alǵashqy jarty jyldyqta Reseiden importtalǵan bidai 1,1 mln tonnadan asyp ketken. Byltyrmen salystyrǵanda 10 paiyzǵa kóbirek. Sonymen birge 1 shildedegi jaǵdai boiynsha, Qazaqstanda astyq qory — 6,1 mln tonna. Onyń ishinde bidai — 5,1 mln tonna, al azyq-túlik maqsatyna — 4 mln tonna.
