Qazaqstan sheteldik úsh bankten 600 mlrd teńge qaryz alady, dep habarlaidy Dalanews.kz Ulysmediaǵa siltep.
Qazaqstan respýblikalyq biýdjettiń tapshylyǵyn jabý úshin sheteldik úsh bankten 600 mlrd teńge qaryz alady. Osy qaryzdy aldaǵy 10-15 jyldyń ishinde Qazaqstan respýblikalyq biýdjet esebinen óteýi kerek. Qaryz týraly zań jobalaryn búgin Senat maquldady.
Qazaqstan Aziia Damý bankinen – 52,3 mlrd japondyq ien (15 jylda óteýi kerek), Aziia infraqurylymdyq investitsiialar bankinen – 52,7 mlrd ien, sondai-aq Halyqaralyq qaita qurý jáne damý bankinen 84,9 mlrd ien (2034 jyly 15 qyrkúiekke deiin tólep bitýi kerek) tartady. Jalpy somasy 190 mlrd ien. Teńgege shaqqanda ol – 600 mlrd teńge.
Bul qaryzdar biýdjet tapshylyǵyna bailanysty alynyp otyr. Jyl boiy Qazaqstan biýdjetinde 3,6 trln teńge tapshylyq bolsa, 600 mlrd teńge syrtqy naryqtan alynady. Máselen, Aziia Damý bankinen alynǵan 160 mlrd teńgeni Qazaqstan 168 mlrd teńge etip qaitarady.
Qarjy vitse-ministri Dáýren Keńbeiildiń aitýynsha, biýdjet zańnamasyna sáikes, qaryzdy respýblikalyq biýdjet esebinen jabý kózdelgen.
Úsh bankten qaryzdy alý jónindegi zań jobalaryn Senat depýtattary ratifiktsiialady.
