«Eýrazıa álemi» pikirsaıys klýybynyń kezekti otyrysy
«Qazaqstan men Reseıdiń mádenı áriptestik konteksindegi qarym-qatynasyna baǵa berý» taqyrybyna arnaldy.
Saıasattanýshy Edýard Poletaevtyń aıtýynsha bıylǵy jyly sońǵy jyldary baıalaý qalǵan mádenı áriptestikke qaı jan bitti.
«Qyrkúıek aıynyń 7-11 aralyǵynda Máskeý qalasynda Qazaqstandaǵy Reseıdegi Mádenı kúnderi ótti. Osy shara aıasynda «Qazaqstan» dep atalatyn mádenı-iskerlik ortalyǵy ashyldy.
Jalpy aıtqanda eki eldiń arasyndaǵy mádenı-gýmanıtardyq baılanystar bıylǵy jyly jańa deńgeıge kóterildi» deıdi ol.
Al jýrnalıs Evgenıı Pastýhovtyń aıtýynsha reseılikterdiń kópshiligi Qazaqstan týraly bile bermeıli. «Qazaqstannyń erekshiligi, boıaý, bolmysy qandaı ekeninen habarsyz ekenin ótirik emes. Sizderge bir qyzyq derek aıtaıyn, keıbir reseılikter Qazaqstanǵa kelý úshin vıza qajet dep esepteıdi eken. Osynyń ózi Reseı halqynyń Qazaqstan týraly maǵlumaty tapshy ekenin dáleldep otyr», – deıdi ol.
«Strategıa» áleýmettik jáne saıası zertteýler ortalyǵynyń prezıdenti
Gúlmıra Ileýovanyń pikirinshe mádenı áriptestik teń dárejede bolǵany jón.
Bul pikirdi Samruk Cinema kınokompanıasynyń dırektory Sáken Belgibaev ta qoldaıdy.
«Mádenı baılanys týraly aıtqanda Reseıdiń mádenı ónimderi qazaqstandyq naryqta órip júrgenin eskerý qajet. Al Qazaqstannyń mádenı ónimderi Reseı naryǵynda bar ma, olar qanshalyqty suranysqa ıe? Meni osy másele mazalaıdy. Jasyrary joq bizdiń Reseıdiń mádenı yqpalyndaǵy elmiz. Sondyqtan da qazirgi Reseıdiń mádenı portretin qazaqstandyqtar jaqsy biledi», – deıdi ol.
Jýrnalıs Sergeı Kozlovtyń pikirinshe mádenı dıalog týraly aıtqanda jańa tehnologıalardy belsendi paıdalanǵan jón.
«Óz basym YouTube-ti belsendi paıdalanamyn. Munda Reseıdiń tarıhyna, mádenıetine, ádebıetine qatysty aqparattar óte kóp. Ókinishke oraı Qazaqstanǵa qatysty osy maǵlumattar tym tapshy. Kópshiligi haıp jınaý maqsatynda saýatsyz jasalǵan saıası rolıkter.
Qazaqstandyq YouTube-ta otandyq týrızmdi nasıhattaıtyn jobalar joqtyń qasy. Kerek deseńiz, Balqash men Zaısan kólindegi demalystardy da reseılikter túsirgen», – deıdi ol.
Sharany túıindegen saıasattanýshy Andreı Chebotarev bul oraıda:
«Reseı men Qazaqstan saıası-ekonomıkalyq qana áriptester emes. Degenmen bul turǵyda da reseılik sarapshylar Qazaqstandy jete tanymaıtyny sońǵy jyldary aıqyn ańǵarylyp otyr. Bul óz kezeginde erteńgi kúni eki eldiń arasynda túsinbeýshilik týǵyzýy múmkin» degen pikir bildirdi.
