«ەۋرازيا الەمى» پىكىرسايىس كلۋىبىنىڭ كەزەكتى وتىرىسى
«قازاقستان مەن رەسەيدىڭ مادەني ارىپتەستىك كونتەكسىندەگى قارىم-قاتىناسىنا باعا بەرۋ» تاقىرىبىنا ارنالدى.
ساياساتتانۋشى ەدۋارد پولەتايەۆتىڭ ايتۋىنشا بيىلعى جىلى سوڭعى جىلدارى بايالاۋ قالعان مادەني ارىپتەستىككە قاي جان ءبىتتى.
«قىركۇيەك ايىنىڭ 7-11 ارالىعىندا ماسكەۋ قالاسىندا قازاقستانداعى رەسەيدەگى مادەني كۇندەرى ءوتتى. وسى شارا اياسىندا «قازاقستان» دەپ اتالاتىن مادەني-ىسكەرلىك ورتالىعى اشىلدى.
جالپى ايتقاندا ەكى ەلدىڭ اراسىنداعى مادەني-گۋمانيتاردىق بايلانىستار بيىلعى جىلى جاڭا دەڭگەيگە كوتەرىلدى» دەيدى ول.
ال جۋرناليست ەۆگەنيي پاستۋحوۆتىڭ ايتۋىنشا رەسەيلىكتەردىڭ كوپشىلىگى قازاقستان تۋرالى بىلە بەرمەيلى. «قازاقستاننىڭ ەرەكشىلىگى، بوياۋ، بولمىسى قانداي ەكەنىنەن حابارسىز ەكەنىن وتىرىك ەمەس. سىزدەرگە ءبىر قىزىق دەرەك ايتايىن، كەيبىر رەسەيلىكتەر قازاقستانعا كەلۋ ءۇشىن ۆيزا قاجەت دەپ ەسەپتەيدى ەكەن. وسىنىڭ ءوزى رەسەي حالقىنىڭ قازاقستان تۋرالى ماعلۇماتى تاپشى ەكەنىن دالەلدەپ وتىر»، – دەيدى ول.
«ستراتەگيا» الەۋمەتتىك جانە ساياسي زەرتتەۋلەر ورتالىعىنىڭ پرەزيدەنتى
گۇلميرا يلەۋوۆانىڭ پىكىرىنشە مادەني ارىپتەستىك تەڭ دارەجەدە بولعانى ءجون.
بۇل پىكىردى Samruk Cinema كينوكومپانياسىنىڭ ديرەكتورى ساكەن بەلگىبايەۆ تا قولدايدى.
«مادەني بايلانىس تۋرالى ايتقاندا رەسەيدىڭ مادەني ونىمدەرى قازاقستاندىق نارىقتا ءورىپ جۇرگەنىن ەسكەرۋ قاجەت. ال قازاقستاننىڭ مادەني ونىمدەرى رەسەي نارىعىندا بار ما، ولار قانشالىقتى سۇرانىسقا يە؟ مەنى وسى ماسەلە مازالايدى. جاسىرارى جوق ءبىزدىڭ رەسەيدىڭ مادەني ىقپالىنداعى ەلمىز. سوندىقتان دا قازىرگى رەسەيدىڭ مادەني پورترەتىن قازاقستاندىقتار جاقسى بىلەدى»، – دەيدى ول.
جۋرناليست سەرگەي كوزلوۆتىڭ پىكىرىنشە مادەني ديالوگ تۋرالى ايتقاندا جاڭا تەحنولوگيالاردى بەلسەندى پايدالانعان ءجون.
«ءوز باسىم YouTubeء-تى بەلسەندى پايدالانامىن. مۇندا رەسەيدىڭ تاريحىنا، مادەنيەتىنە، ادەبيەتىنە قاتىستى اقپاراتتار وتە كوپ. وكىنىشكە وراي قازاقستانعا قاتىستى وسى ماعلۇماتتار تىم تاپشى. كوپشىلىگى حايپ جيناۋ ماقساتىندا ساۋاتسىز جاسالعان ساياسي روليكتەر.
قازاقستاندىق YouTube-تا وتاندىق ءتۋريزمدى ناسيحاتتايتىن جوبالار جوقتىڭ قاسى. كەرەك دەسەڭىز، بالقاش مەن زايسان كولىندەگى دەمالىستاردى دا رەسەيلىكتەر تۇسىرگەن»، – دەيدى ول.
شارانى تۇيىندەگەن ساياساتتانۋشى اندرەي چەبوتاريەۆ بۇل ورايدا:
«رەسەي مەن قازاقستان ساياسي-ەكونوميكالىق قانا ارىپتەستەر ەمەس. دەگەنمەن بۇل تۇرعىدا دا رەسەيلىك ساراپشىلار قازاقستاندى جەتە تانىمايتىنى سوڭعى جىلدارى ايقىن اڭعارىلىپ وتىر. بۇل ءوز كەزەگىندە ەرتەڭگى كۇنى ەكى ەلدىڭ اراسىندا تۇسىنبەۋشىلىك تۋعىزۋى مۇمكىن» دەگەن پىكىر ءبىلدىردى.
