Shilde aiynyń basynan beri Qazaqstan Reseige shamamen 5 myń tonna avtomobil benzinin eksporttady. Alaida bul kólem kórshi eldegi janarmai tapshylyǵynyń 1 paiyzyn da jappaidy, dep habarlaidy dalanews.kz.
Reuters agenttiginiń eki derekkózge silteme jasap habarlaýynsha, janarmaidy Máskeý oblysy men Edil boiyna «Kondensat» munai óńdeý zaýyty jóneltken.
Basylymnyń málimetinshe, shilde aiynda Reseide benzin óndirisi suranystan 700-800 myń tonnaǵa qalyp qoiǵan. Sondyqtan Qazaqstannan jetkizilgen kólem tapshylyqty óteýge aitarlyqtai áser etpeidi.
Sonymen qatar Pavlodar munai-himiia zaýyty shilde aiynda Reseige 17,5 myń tonna benzin eksporttaýǵa kvota alǵanymen, ázirge jetkizý jumystaryn bastaǵan joq.
Reuters málimetinshe, «Kondensat» zaýyty sońǵy bir jylda Energetika ministrliginen benzindi erkin eksporttaýǵa turaqty túrde kvota alyp kelgen Qazaqstandaǵy jalǵyz kásiporyn bolǵan. Buǵan deiin zaýyt óz ónimin Ortalyq Aziia elderine, Grýziiaǵa jáne Aýǵanstanǵa eksporttaǵan.
Shilde aiynda kásiporynǵa AI-92 markaly benzinniń 24,1 myń tonnasyna, al AI-95 markaly benzinniń 4 myń tonnasyna eksporttyq kvota berilgen.
