«Ulttyq órkendeýge járdem qorynyń» direktory, doktor Úsen Súleimen Varshavada ótken EQYU/DIAQB halyqaralyq alańynda Qazaqstannyń adam quqyqtary, zań ústemdigi jáne áleýmettik-ekonomikalyq damý salasyndaǵy kózqarasyn tanystyrdy, dep habarlaidy Dalanews.kz.
Óz sózinde ol Qazaqstannyń Adam quqyqtarynyń jalpyǵa birdei deklaratsiiasynda jáne BUU-nyń negizgi sharttarynda bekitilgen halyqaralyq standarttardy qatań ustanatynyn atap ótti. Sondai-aq, elde aýqymdy quqyqtyq reformalar júrgizilip jatqanyn aitty. 2022 jyldan beri sot júiesin jetildirýge, azamattardyń quqyqtaryn qorǵaýǵa jáne memlekettik qyzmetterdi tsifrlandyrýǵa baǵyttalǵan 200-den astam jańa zań qabyldandy.
Súleimen ekonomikalyq ósim men adam quqyqtarynyń ózara bailanysyna erekshe nazar aýdardy: Halyqaralyq valiýta qorynyń boljamy boiynsha, Qazaqstannyń JIÓ-i 2025 jyly 259 mlrd AQSh dollaryna jetip, 2028 jylǵa qarai 354 mlrd dollarǵa deiin ósedi. Onyń aitýynsha, bul kórsetkishter sot reformalaryna, quqyq qorǵaý institýttaryna jáne áleýmettik baǵdarlamalarǵa investitsiia salýǵa múmkindik beredi.
Sózin qorytyndylai kele, Súleimen Qazaqstannyń halyqaralyq konventsiialarǵa qosylý boiynsha aimaq elderiniń kópshiliginen ozyq ekenin atap ótti. Alaida, keibir batys seriktester tarapynan synshyl ritorikanyń saqtalyp otyrǵanyna ókinish bildirdi. Ol ashyq dialog pen ózara túsinistikke shaqyryp, ornyqty damý ekonomikalyq ósim men adam quqyqtarynyń tepe-teńdigi arqyly ǵana múmkin bolatynyn aitty.
